Guniʼñámíjná rí a̱ngiu̱lú mumbayúlú

Jeobá najmiuu xúgíinʼ a̱ngiu̱lú mu mumbayulúʼ (1Pe 5:9). Ikhiin numbayúlúʼ mu xámiñulu mutaraʼa. Mbá xkri̱da, mbaʼin a̱ngiu̱lú nimbayíí apóstol Pablo xóo Áquila, Priscila, Silas ga̱jma̱a̱ Timoteo (Hch 18:1-5).

Xú káʼnii gándoo gumbayáaʼ eʼwíinʼ publicadores rá. Ma̱ndoo mutha̱a̱nʼ xú káʼnii gátani índo̱ xa̱bu̱ tsíyoo gáʼdxuun, mu matani revisita ga̱jma̱a̱ xóo gátagíʼdi̱i̱ marasngáá mbáa xa̱bu̱. Atatsaʼwáminaʼ tsáá káʼnii ma̱ndoo mambáyaaʼ bi̱ xtáa náa congregación. Á mu nuni̱la xúʼko̱ kaʼnii nájmáanʼ majmañala ga̱jma̱a̱ muxnamíjnálá tsiakii (Flp 1:25).

NDA̱WA̱Á RÍ NITAYÁÁ VIDEO RÍ MUʼSNGÚÚN XA̱BU̱ NAʼNI RÍ MAKUWÁANʼ GAGI. GUNIʼÑÁÁʼ RÍ JEOBÁ MAMBÁYULÚ: A̱NGIU̱LÚ, ATRIʼÑA̱A̱ GRAXE̱ RÍGI̱:

• 

  Xú káʼnii niʼni Rita mu magíʼdu̱u̱ maʼthúún Coral rí maʼga náa reunión rá.

• 

  Náá numuu rí gíʼmaa muʼthúún eʼwíinʼ a̱ngiu̱lú mu magún ga̱jma̱á ni̱ndxu̱lú índo̱ najkua guʼsngáa rá.

• 

  Ndiéjunʼ rí nambríguii rí nanigu̱u̱ʼ Coral ga̱jma̱a̱ ndxájulú a̱ʼgú nikhi̱i̱ rá.

• Ndiéjunʼ gándoo majmañaaʼ xóo etaraʼa náa eʼwíinʼ a̱ngiu̱lú rá.