Atambáñúún bi̱ narasngúún mudrigú ganitsu rí na̱ʼkha̱ náa Dios

Mu muniʼniiʼ májánʼ Jeobá bi̱ nusngúún ga̱jma̱a̱ maguanu mani̱ndxu̱ún cristianos bi̱ gújkhuiínʼ ndayóoʼ majmañún itháan rí na̱ʼkha̱ náa Biblia (Mt 5:3; Heb 5:12-6:2). Ga̱jma̱a̱ mudrigú ganitsu rí na̱ʼkha̱ náa Dios.

Asndu nákha timbáa miʼtsu dí narasngáá mbáa xa̱bu̱, aratháán rí maʼnirataminaʼ náa maʼnigajmaa (mwb18.03 6). Aratháán rí gíʼdoo numuu rí maʼtájkháan nákha xóó tségi̱ʼdu̱u̱ maʼnigajmaa. Atambáyii majmuu celular o table mu xúʼko̱ maʼnigajmaa ga̱jma̱a̱ mbaʼyoo rí nuxi̱ʼ rí natsimuu náa jw.org ga̱jma̱a̱ JW Broadcasting^®. Ataniguʼwíín maguxnuu Biblia xúgíʼ mbiʼi, maʼnirataminaʼ rí mbuyáá náa reunión ga̱jma̱a̱ mbayáʼ rí maxtiʼña̱a̱ graxe̱ ndrígóo. Atambáyii maʼni rí najmañuu.

NDA̱WA̱Á RÍ NITAYÁÁ VIDEO GUMBAʼÑÚN BI̱ NUʼSNGÚÚN... MUDRIGÚ GANITSU RÍ NA̱ʼKHA̱ NÁA DIOS, ATRIʼÑA̱A̱ GRAXE̱ RÍGI̱:

• 

  Xú káʼnii nimbáyúu Rita Coral mu makro̱ʼo̱o̱ rí maʼnigajmaa nandoo gáʼthúu̱n itháan ki xóo rí mbayáʼ maxtiʼña̱a̱ graxe̱ ndrígóo rá.

• 

  Ndiéjunʼ nimbáyúu Coral mu mbaʼyoo rí Jeobá tsénigunʼ dí mubúúnʼ gajmiún bi̱ na̱nguá nidiin xá.

• 

  Ndiéjunʼ nikro̱ʼo̱o̱ Coral dí nandoo gáʼthúu̱n rí mandxaʼwáminaʼ rá.