Jiámá ga̱jma̱a̱ wa̱ʼxa̱ʼ mbájmbu gútamijná gajmiála ana̱la ga̱jma̱a̱ ru̱da̱lá

Ndíjkha gíʼmaa maratha̱a̱n ana̱a̱ʼ ga̱jma̱a̱ ru̱dáaʼ rí natatsaʼwáminaʼ rá. (Pr 23:26). Numuu rí Jeobá nirajkuáa ñawúúnʼ dí muñewa̱a̱n ga̱jma̱a̱ muxnaaʼ ikha xóo maraxtaa (Sl 127:3, 4). Á mu na̱nguá rathúún xóo kuma̱a̱ʼ, ikhiin maʼniún miʼskhaa mumbayáaʼ. Ma̱ngaa á mu na̱nguá rathúún, xándoo gajmañaaʼ ndiéjunʼ nimbáñúún ikhiin. Lá ndayóoʼ marathu̱u̱n kuduun xúgíʼ xá. Na̱nguá má. Ragíʼmaa matarkaʼwumáʼán nimbá dí ikhiin gíʼmaa mbuyáá (Pr 3:32).

Xóo gándoo maratamíjná ga̱jma̱a̱ ana̱a̱ʼ ga̱jma̱a̱ ru̱dáaʼ rá. Atayáʼ náá mbiʼi̱i̱ rí xúgíinʼ ma̱ndoo muthi. Ma̱ngaa ma̱ndoo matani mbá carta mu maraxna̱a̱ mbáa dí ikhiin náa ma̱ndoo maratha̱a̱n xú káʼnii ku̱ma̱a̱. Mú á mu ikhiin nandún muthaanʼ mbá rí ikháán tsíyaaʼ gátadxawíín rá. Garmáʼáan a̱jkia̱a̱nʼ dí ikhiin nandún mumbayáaʼ. Ikhiin na̱nguá ni̱ndxu̱ún xa̱bu̱ sia̱nʼ, ikhiin kúwá mu mumbayáaʼ. Xúgíʼ rí gátani mu maratamíjná gajmiáanʼ mbájmbu, mambáyaʼ xúgi̱ ga̱jma̱a̱ nda̱wa̱á (Pr 4:10-12).

NDA̱WA̱Á RÍ NITAYÁÁ VIDEO XÓO GARATAMÍJNA GA̱JMA̱A̱ʼ ANA̱A̱ʼ O RU̱DÁʼ NÁKHA NINDXA̱A̱ʼ DXÁMÁ O DXÁʼGÚ, ATRIʼÑA̱A̱ GRAXE̱ RÍGI:

• 

  Ndiéjunʼ ni̱jkha̱nú ndiʼyoo Esther ga̱jma̱a̱ Partik rá.

• 

  Ndiéjunʼ gándoo gajmañaaʼ ikháán xóo niʼni Jesús rá.

• 

  Xú kaʼnii nisngájma ana̱a̱ʼ ga̱jma̱a̱ ru̱dáaʼ rí nandún kuyaaʼ rá.

• 

  Xú káʼnii ikha dí na̱ʼkha̱ náa Biblia gámbáyáaʼ maratamíjná ga̱jma̱a̱ ana̱a̱ʼ ga̱jma̱a̱ ru̱dáaʼ rá.