Ku̱ma̱ gíʼdoo itháan numuu ki xóo oro

Salomón nindo̱ʼo̱o̱ Jeobá rí maxnúu ku̱ma̱ (1Re 3:7-9; w11 15/12 8 kutriga̱ 4-6).

Jeobá ninigu̱u̱ʼ rí ninda̱ʼa̱ Salomón (1Re 3:10-13).

Xa̱bu̱ xuajen nikúwá tsímáá numuu rí Salomón nimajkuu ku̱ma̱ rí nixnúu Jeobá (1Re 4:25).

Rí ma̱nindxa̱a̱ʼ mbáa xa̱bu̱ najmañuu nandoo gáʼthúu̱n rí majmáán matasiʼnúuʼ májánʼ ga̱jma̱a̱ numuu mbá xkujndu, makrua̱ʼa̱a̱ʼ májánʼ mu xúʼko̱ matraʼwíí májánʼ rí matani̱. Ku̱ma̱ gíʼdoo itháan numuu ki xóo oro (Pr 16:16). Mu ma̱ndoo maguaʼdáá, ndayóoʼ munda̱ʼa̱a̱ Dios, mbuʼyamajkuíí, manindxu̱lú xa̱bu̱ guabáanʼ, májánʼ a̱jkiu̱u̱n ma̱ngaa muʼni gájmaa mi̱jnu̱ʼ Biblia.