Jeobá maʼni tsajkurámáanʼlu wéñuʼ á mu nuʼnimi̱jna̱ xó má eʼngo̱o̱

Eliseo niʼtáñajunʼ rey Jeohás dí maʼni mbá dí masngájma xóo gágumakríyaaʼ Israel náa ñawúunʼ Siria (2Re 13:15-18).

Numuu rí Jehoás táʼni ga̱jma̱a̱ xúgíʼ a̱jkiu̱u̱n ikha jngóo táʼngo̱o̱ mbájkhu (2Re 13:19; w10 15/4 26 kutriga̱ 11).

Jeobá naʼni tsajkurámiinʼ wéñuʼ bi̱ nduyáaʼ ga̱jma̱a̱ xúgíʼ a̱jkiu̱ún (Heb 11:6; w13 1/11 11 kutriga̱ 5, 6).

ATRAXI̱MÍNÁʼ: “Lá gajkhun naniminaʼ ga̱jma̱a̱ xúgíʼ a̱jkiu̱nʼ mani ñajuunʼ Jeobá xóo índo̱ nagúxnuu Biblia, índo̱ na̱jkhá reunión o índo̱ nataráʼa ráʼ.”