Araxtaa xawii índo̱ ndayóoʼ maguma thanáá mbáa

Ndíjkha dí gíʼmaa makuwáanʼlu xawii rá. Xúgiáanʼ tséʼyáá ndiéjunʼ gaguáʼnilú, mbáa nguáná mbaʼyoo mbá nacha̱ maguma thanulu o asndu muʼgua náa hospital. Na̱ʼkha̱ xóo tsígiʼnulúʼ ríʼge, ndayóoʼ muraʼwíí ga̱jma̱a̱ mbuʼyáʼ wapháá ndiéjunʼ guʼni, á mu nandulú maguma thanulu májánʼ. Xúʼko̱ gusngájma rí nduyamajkuíí vida ga̱jma̱a̱ xtángoo rí nigíʼ Jeobá ga̱jma̱a̱ numuu eʼdi (Hch 15:28, 29).

Xóo gátani̱ rataminaʼ rá.

• Nda̱wa̱á dí gámbáaʼ ratájkháan ga̱jma̱a̱ matatsaʼwamínáʼ májánʼ xóo gatriʼña̱a̱, ikhú matani̱ majthíí i̱yi̱i̱ʼ náa naʼthí xó nandaaʼ maguma thana (DPA).a Publicadores bi̱ nijngún má iyááʼ ma̱ndoo munda̱ʼa̱a̱ i̱yi̱i̱ʼ rígi̱ ndxájulú bi̱ naxnáʼ i̱yi̱i̱ʼ, xabuanii ma̱ndoo munda̱ʼa̱ Tarjeta de identidad (ic) mu munimajtíí ndrígún e̱jñún bi̱ majkhiinʼ.

• Índo̱ mbáa kagu̱ ewáan ada̱, ndayóoʼ dí mundu̱ʼu̱u̱n anciano i̱yi̱i̱ʼ dí mbiʼyuu Información para mujeres embarazadas (S-401), rígi̱ gámbáyáaʼ mu matraʼwíí thana dí gaguma̱án índo̱ gídá ewáan ada̱ ga̱jma̱a̱ índo̱ gaxtáa.

• Á mu xúʼko̱ gáʼyaaʼ eʼdi náa maguma tanaaʼ o mbaʼyóoʼ maguanaa náa hospital, wapháá gárathu̱u̱n bi̱ kuya̱ edxu̱u̱ ga̱jma̱a̱ arathún náa hospital dí maʼnda̱a̱ʼ ma̱ʼkha̱ gáʼyaaʼ mbáa testigo de Jeobá.

• Xú káʼnii gándoo gumbayaaʼ bi̱ kuya̱ edxu̱u̱ rá. Ma̱ndoo mumbayulú mu munimajthíí DPA ndrígúlú, mu ikháán má gátraʼwíí ndiéjunʼ gáʼndaaʼ magumáá ga̱jma̱a̱ thanaa dí gatadrígu (Ro 14:12; Gál 6:5). Índo̱ gárathu̱u̱n bi̱ kuya̱ edxu̱u̱ náa congregación ndrígáaʼ náa naku̱ma̱a̱ʼ dí majmúún eʼdi mu muni̱ thana, ikhiin muʼthúún mbá nacha̱ Comité bi̱ nuyambáá náa Hospital (CEH).

Xkáʼnii gándoo gúmbáyáaʼ CEH rá. A̱ngiu̱lú bi̱ kúwi̱i̱n náa comité rígi̱ nundrígú ikha mu xúʼko̱ mumbañún makru̱ʼu̱u̱n xú káʼnii kumulú ikháán ga̱jma̱a̱ numuu eʼdi, xa̱bu̱ bi̱ nuni̱ thana ga̱jma̱a̱ bi̱ nakru̱ʼu̱u̱n xtángoo ndrígóo xuajen. Ma̱ndoo muʼthúún xa̱bu̱ bi̱ nakru̱ʼu̱u̱n ga̱jma̱a̱ numuu thana mu xúʼko̱ xatuʼuun eʼdi, á mu mbaʼyóoʼ ma̱ndoo mumbañún mbuyáaʼ mbáa médico bi̱ xajmuu eʼdi mu maʼni thana.

NDA̱WA̱Á RÍ NITAYÁÁ VIDEO XU KÁʼNII GÁNDOO GURAʼWÍÍ MÁJÁNʼ DÍ MUʼNI GA̱JMA̱A̱ NUMUU EʼDI RÁ. ATRIʼÑA̱A̱ GRAXE̱ RÍGI:

• Ndiéjunʼ ma̱ndoo matani̱ mu maraxtaa xawii índo̱ guraxaʼ dí gatrawíí ga̱jma̱a̱ numuu eʼdi xáʼ.

  Atriʼña̱a̱