XÓO KUWÁANʼ BI̱ NI̱NDXU̱LÚ CRISTIANOS
Atayaminaʼ xó má Jeobá ndaʼyaa’
“Jeobá nadxuu a̱jkiu̱u̱n ga̱jma̱a̱ numuu xuajñuu” (Sl 149:4). Rí nindxulú xa̱bu̱ aʼkhá tsérikhoo mbaʼyoo náa rí májáanʼ xa̱bu̱ nindxu̱lú, ga̱jma̱a̱ dí majmáán muʼni. Mú, mbáa nguáná ikháanʼ naʼniulú miʼskhaa mbuʼyamijná xó má eʼyulú Jeobá. Mbáa ga̱jma̱a̱ numuu xó eniulúʼ eʼwíinʼ o ga̱jma̱a̱ numuu rí nákha ginii nikiéʼkhulú ikha jngóo nakumulú dí nda̱a̱ dí ejmáánʼ o dí rakáʼyulú rí Jeobá ma̱ndoo kaʼyulú. Á mu ikháán naku̱ma̱a̱ʼ xúʼko̱, ndiéjunʼ gándoo mambáyáaʼ rá.
Garmáʼáan a̱jkiu̱lú dí Dios tséʼyoo xó má eʼyoo xa̱bu̱ numbaaʼ (1Sa 16:7). Rígi̱ eyoo gáʼthúu̱n dí índo̱ ikhaa ndaʼyulúʼ, ndaʼyoo itháan náa dí ikháanʼ tséʼngulú guʼyáá. Dí najmañulú náa Biblia nambáyulúʼ mbuʼyáá ndiéjuunʼ eʼyoo Jeobá. Á mu nuraxnuu tikhu versículo o historia, ma̱ndoo mbuʼyáá dí Jeobá nandoo kaʼñún wéñuuʼ xa̱bi̱i̱.
NDA̱WA̱Á RÍ NITAYÁÁ VIDEO ATAYÁÁ RÍ GAJKHUN JEOBÁ NIʼNI MBA̱A̱ A̱JKIU̱U̱N KAʼYAAʼ, ATRIʼÑA̱A̱ GRAXE̱ RÍGI̱:
Ndiéjunʼ eʼsngúlú xkridoo xa̱bu̱ nikhi̱i̱ bi̱ gíʼdaa a̱ʼdióo bi̱ nagáyúu ga̱jma̱a̱ numuu rí xú káʼni eʼyulú Jeobá rá.
Á mu mbáa nikudaminaʼ aʼkhá mú niʼniminaʼ má mu mambájxu̱u̱ mbu̱júu̱ʼ ga̱jma̱a̱ Jeobá, xú káʼnii gándoo mbaʼyoo gajkhun dí Dios niʼni mba̱a̱ a̱jkiu̱u̱n kaʼyoo xá. (1Jn 3:19, 20).
Xú káʼnii nimbáyúu ndxájulú maguxnuu ga̱jma̱a̱ mandxaʼwáminaʼ historia ndrígóo David ga̱jma̱a̱ Jehosafat rá.