XÓO KUWÁANʼ BI̱ NI̱NDXU̱LÚ CRISTIANOS

Atambáñúún bi̱ na̱nguá guáʼdáá religión mu muniʼniiʼ bi̱ Niʼniwíin

Lá na̱nguá nindaaʼ gárataráʼáá mbá miʼtsú mbáa xa̱bu̱ bi̱ tséjkha̱ nimbá religión numuu rí nikumaaʼ dí xáʼdxawun xáʼ. Á mu xúʼko̱, garmáʼáan a̱jkia̱a̱nʼ rí xúgi̱, mbaʼin bi̱ nindxu̱ún testigos de Jeobá nákha ginii mangiin na̱nguá egún nimbá religión rí asndu tikhun nindxu̱ún ateos. Mbaʼin dí ikhiin, i̱ndó rí ndi̱ñúnʼ nindxu̱u̱ rí mbáa maʼthúún dí gajkhun xtáa Dios (Ro 1:20; 10:14).

NDA̱WA̱Á RÍ NITAYÁÁ VIDEO GARMÁʼÁAN A̱JKIA̱A̱Nʼ: XA̱BU̱ BI̱ RAGUÁʼDÁÁ FE MA̱NDOO MAGUAʼDÁÁ: XA̱BU̱ BI̱ TSEGUN NIMBÁ RELIGIÓN, ATRIʼÑA̱A̱ GRAXE̱ RÍGI:

• Xú káʼnii exnáaʼ tsiaki̱i̱ experiencia ndrígóo Tommaso dí niʼtárúʼún bi̱ na̱nguá kuáʼdáá mbá religión rá.

Atriʼña̱a̱

Xú káʼnii gándoo gáni̱ rá.

Á mu nataxkamaa mbáa xa̱bu̱ bi̱ tséʼnimbo̱o̱ dí xtáa Dios, atadxawíín rí gáʼtháanʼ mú ikháán atriʼñáán ga̱jma̱a̱ májánʼ ma̱ngaa araʼdáá gamajkuaaʼ (2Ti 2:24). Aratháán mbá tema rí ikhaa nanigu̱u̱ʼ maʼdxuun. Lá nanigu̱u̱ʼ xa̱bu̱ mbaʼyoo xú káʼnii mbaʼin niguánú ndiyáá dí xtáa bi̱ Niʼniwíi ráʼ. Ikháán ma̱ndoo majmaaʼ i̱yi̱i̱ʼ ga̱jma̱a̱ videos rí nigájnuu mu mambáñún ikhiin. Náa caja ndrígóo herramientas mu muʼsngáa ma̱ndoo mataxkamaa folletos ¿Es la vida obra de un Creador? ga̱jma̱a̱ El origen de la vida. Cinco cuestiones dignas de análisis.

Mbáa gajkhun má rí mamiñáanʼ dí índo̱ matagíʼdi̱i̱ maratha̱a̱n mbáa bi̱ tséʼnimbo̱o̱ dí xtáa Dios. Á mu xúʼko̱, aratháán mbáa publicador bi̱ najmañuu má mu mambáyáaʼ. Garmáʼáan a̱jkia̱a̱nʼ dí Jeobá ma̱ndoo mambáñún bi̱ gajkhun nandún majmañún, maski ajndu xúgi̱ naku̱mu̱ún rí ikhaa na̱nguá xtáa (Hch 13:48).