Reyes bi̱ tsíñún guyamijná náa iwáá mbiʼi
Tikhu kiʼtáriyaʼ rí naʼthí gi̱i̱ nasngájma ndiéjunʼ dí narígá ikháá má tiempo. Xúgíʼ nasngájma rí kuwáanʼ náa ‹iwáá mbiʼi› (Dan. 12:4).
Texto ndrígóo Biblia: Apoc. 11:7; 12:13, 17; 13:1-8, 12.
Kiʼtáriyaʼ: “Xujkhúʼ xkawiiʼ” niʼtáñajunʼ náa numbaaʼ mbayuʼ tsiguʼ. Náa iwáá mbiʼi, nigumagawíínʼ rí maʼni juwan edxu̱u̱. Nda̱wa̱á naguma mandáa edxu̱u̱, ikhú ‹xúgíinʼ xa̱bu̱ numbaaʼ› nagún tsu̱du̱u̱. Gixa̱a̱ nijmiuu xujkhú bugi̱ mu “maxmínaʼ gajmíi̱n bi̱ xóó niguanún bi̱ niguwáʼ náa ikhaa”.
Nimbánuu: Nda̱wa̱á rí nixnúu Ruʼwambiʼ, nigi̱ʼdi̱i̱ nikúwá Xa̱bu̱ Ñajunʼ bi̱ taʼndun gúyáá Jeobá. Nda̱wa̱á índo̱ niʼni Raga̱jma̱ Guerra náa xúgíʼ Numbaaʼ, Xa̱bu̱ Ñajunʼ británico nindátigo̱o̱ tsiakii. Mú nitanga̱a̱ nigiʼdoo tsiakii índo̱ nimbáxu̱u̱ ga̱jma̱a̱ Estados Unidos. Itháan náa iwáá mbiʼi rígi̱, Gixa̱a̱ najmiuu Xa̱bu̱ Ñajunʼ mu maʼni gíníi xa̱bi̱i̱ Dios.
Texto ndrígóo Biblia: Dan. 11: 25-45.
Kiʼtáriyaʼ: Rey ndrígóo norte ga̱jma̱a̱ rey ndrígóo sur magi̱ʼdu̱u̱n má xúʼko̱ ga̱jma̱a̱ numuu rí mutañajunʼ.
Nimbánuu: Alemania nixmínaʼ ga̱jma̱a̱ Gran Bretaña ma̱ngaa Estados Unidos. Nákha tsiguʼ 1945 Unión Soviética gajmíi̱n xa̱bi̱i̱ ninindxu̱ún rey ndrígóo norte. Índo̱ niʼni tsiguʼ 1991 Unión Soviética nixpátrigu ga̱jma̱a̱ nda̱wa̱á Rusia gajmíi̱n xa̱bi̱i̱ ninindxu̱ún rey ndrígóo norte.
Texto ndrígóo Biblia: Is. 61:1; Mal. 3:1; Luc. 4:18.
Kiʼtáriyaʼ: Jeobá nakuʼmaa bi̱ “maʼga̱ kayóo ajngáa” mu maʼni mújúunʼ kamba̱a̱ nákha xóó tségiʼi maʼtañajunʼ Jesús. Mbá nguéjmi̱i̱n xa̱bu̱ bugi̱ bi̱ nagún ku̱ñu̱u̱n ajngáa, nugi̱ʼdi̱i̱ nutún “ajngáa rí májánʼ bi̱ guabiinʼ”.
Nimbánuu: Asndu nákha 1870, Charles Russell gajmíi̱n a̱ngui̱i̱n nigi̱ʼdi̱i̱ ninigajmaa Biblia mu mbuyáá ndiéjunʼ phú eʼsngáa ikhí. Índo̱ niʼni tsiguʼ 1880, ndiyáá rí xa̱bi̱i̱ Dios gíʼdoo wéñuʼ numuu rí mutaraʼa, ikha jngó nirawíi i̱yi̱i̱ʼ tikhu rí ikhaa nigumbiʼyuu “Se solicitan 1.000 predicadores” ga̱jma̱a̱ “Ungidos para predicar”.
Texto ndrígóo Biblia: Mat. 13:24-30, 36-43.
Kiʼtáriyaʼ: Mbáa xa̱bu̱ naʼdu trigo náa mbayuuʼ. Nda̱wa̱á na̱ʼkha̱ mbáa xa̱bu̱ sia̱nʼ ga̱jma̱a̱ naʼdu ikhí iná dí ra̱májánʼ. Iná dí ra̱májánʼ nda̱ja̱a̱ wéñuʼ rí asndu narúgóo trigo. Índo̱ nixtágímboo nini wáji̱i̱ʼ iná dí ra̱májánʼ náa trigo.
Nimbánuu: Nda̱wa̱á dí niʼni tsiguʼ 1870 ndiyáá kaʼwu tsíin phú ni̱ndxu̱ún cristianos gajkhun ikha jngó náa iwáá mbiʼi, cristianos gajkhun nini wájimijná náa cristianos bi̱ minduwiinʼ.
Texto ndrígóo Biblia: Dan. 2:31-33, 41-43.
Kiʼtáriyaʼ: Ku̱ba̱ʼ ga̱jma̱a̱ ajua̱nʼ kandáwo̱o̱ʼ rajkúu xándú bi̱ ki̱ʼni̱i̱ ga̱jma̱a̱ mixtiʼkhu ajua̱nʼ.
Nimbánuu: Ku̱ba̱ʼ nandoo gáʼthúu̱n xa̱bu̱ bi̱ kuwa náa majñu̱u̱ʼ Gran Bretaña ga̱jma̱a̱ Estados Unidos bi̱ tsénigu̱u̱nʼ ga̱jma̱a̱ tsénimbu̱ún kuñún xa̱bu̱ ñajunʼ ndrígu̱ún. Ga̱jma̱a̱ rígi̱ naʼni rí Xa̱bu̱ Ñajunʼ xáʼngu̱u̱n gutañájunʼ ga̱jma̱a̱ tsiakii xóo rí gíʼdoo mbá ajua̱nʼ.
Texto ndrígóo Biblia: Mat. 13:30; 24:14, 45; 28:19, 20.
Kiʼtáriyaʼ: “Trigo” naxtangixi̱i̱ náa ‹xtagaʼu›, ga̱jma̱a̱ nagi̱ʼi̱ “yumbáá bi̱ jmbii ga̱jma̱a̱ nandxa̱ʼwáminaʼ májánʼ” bi̱ naxnún rí ndayóo ‹bi̱ nuñajunʼ náa guʼwá›. “Ajngáa rí májánʼ ndrígóo Reino” nagíʼdu̱u̱ najuiʼtáraʼa náa “xúgíʼ numbaaʼ”.
Nimbánuu: Nákha tsiguʼ 1919 nigi̱ʼi̱ yumbáá bi̱ jmbii náa xuajñuu Dios. Asndu nákha ikhú Bi̱ nunigajmaa Biblia nigi̱ʼdi̱i̱ nitaraʼa itháan. Rí mbiʼi xúgi̱, xa̱bi̱i̱ Jeobá nutaraʼa náa itháan rí 200 xuajen mba̱ʼu̱, ga̱jma̱a̱ i̱yi̱i̱ʼ rí nagájnuu náa Biblia kiʼniraʼmáʼ itháan rí mbá míi ajngáa.
Texto ndrígóo Biblia: Dan. 12:11; Apoc. 13:11, 14, 15.
Kiʼtáriyaʼ: Mbáa xujkhúʼ xkawiiʼ bi̱ gíʼdoo a̱jma̱ chijyu̱u̱ʼ naʼni rí ‹muniriya̱a̱ xujkhúʼ xkawiiʼ› ga̱jma̱a̱ naʼni rí ‹mbaʼya›.
Nimbánuu: Gran Bretaña ga̱jma̱a̱ Estados Unidos nini rí marigá Sociedad de Naciones. Ga̱jma̱a̱ i̱ʼwáʼ xuajen nayambáá. Nda̱wa̱á rey ndrígóo norte nikudaminaʼ ikhí ma̱ngaa, mú káaʼ nákha tsiguʼ 1926 asndu 1933. Sociedad de Naciones nikána gamajkhu rí i̱ndó Reino ndrígóo Dios kaʼyoo makánaa, xó má nirígá nda̱wa̱á ga̱jma̱a̱ Naciones Unidas (ONU).
Texto ndrígóo Biblia: Dan. 8:23, 24.
Kiʼtáriyaʼ: Mbáa rey bi̱ gíʼdoo inuu xkawiʼ ‹naʼni gámbóo xúgíʼ›.
Nimbánuu: Xuajen rí kayá edxu̱u̱ náa xúgíʼ numbaaʼ dí nindxu̱u̱ Gran Bretaña ga̱jma̱a̱ Estados Unidos nini gámbáa mbaʼa wéñuʼ dí rígá. Mbá xkri̱da, nákha niʼni Raga̱jma̱ Guerra dí nirígá náa xúgíʼ Numbaaʼ, Estados Unidos ni̱da̱ʼ a̱jma̱ bomba náa xuajen rí kúwá xa̱bu̱ sia̱nʼ ndrígóo.
Texto ndrígóo Biblia: Dan. 11:31; Apoc. 17:3, 7-11, 16.
Kiʼtáriyaʼ: Xujkhúʼ bi̱ “maña̱ʼ xngeʼdii” ga̱jma̱a̱ gu̱wa̱ʼ chijyu̱u̱ʼ nagájnuu náa iña mbiʼ, ikhaa nindxu̱u̱ bi̱ maʼni mbá migiñiiʼ rey. Náa i̱yi̱i̱ʼ ndrígóo Daniel naʼthí dí rey bugi̱ nindxu̱u̱ xóo dí “xkawiʼ rí naʼni ma̱ʼkha̱ kagu̱u̱ gaʼkhu”.
Nimbánuu: Sociedad de Naciones nándáa dí niʼni índo̱ nirígá Raga̱jma̱ Guerra náa xúgíʼ Numbaaʼ. Nda̱wa̱á rí nijngoo guerra, ikhú nigi̱ʼdu̱u̱ nirígá ONU. Ikhaa nagruigú gamajkhu rí kaʼyoo magruigú Reino ndrígóo Dios. Xuajen bi̱ numbayíí ONU maʼni gámbáa religión.
Texto ndrígóo Biblia: 1 Tes. 5:3; Apoc. 17:16.
Kiʼtáriyaʼ: Xa̱bu̱ Ñajunʼ muthi “gakuwaanʼ tsímáá ga̱jma̱a̱ nda̱a̱ rí gugíʼníín”, ikhú ‹gu̱wa̱ʼ chi̱ji̱ʼ› ga̱jma̱a̱ “xujkhúʼ xkawiiʼ” muni gámbáa “a̱ʼgú xiaʼun”. Nda̱wa̱á Xa̱bu̱ Ñajunʼ naguma gámbíin.
Xóo gambánuu: Xa̱bu̱ Ñajunʼ muthi dí rígá tsímáá ga̱jma̱a̱ nándáa rí gugiʼníín. Nda̱wa̱á xuajen bi̱ numbayíí ONU muni gámbáa religión rí mindu̱wa̱ʼ. Xúʼko̱ gági̱ʼdu̱u̱ ga̱ʼkhu̱ rí majphú mba̱a̱. Gaʼkhu rígi̱ mambá índo̱ gáʼkha̱ Armagedón.
Texto ndrígóo Biblia: Ezeq. 38:11, 14-17; Mat. 24:31.
Kiʼtáriyaʼ: Gog nato̱ʼo̱o̱ náa ku̱ba̱ʼ ndrígóo xuajñuu Dios. Nda̱wa̱á, ángeles nugimbíín bi̱ “kaxtaʼwíin”.
Xóo gambánuu: Rey ndrígóo norte ga̱jma̱a̱ eʼwíinʼ Xa̱bu̱ Ñajunʼ bi̱ kúwá náa numbaaʼ, muni gínáa xuajñuu Dios. Nda̱wa̱á rí nigíʼdu̱u̱ gaʼkhu rígi̱, bi̱ kaxtaʼwíin bi̱ naguanún náa ku̱ba̱ʼ magúun mekhuíí.
Texto ndrígóo Biblia: Ezeq. 38:18-23; Dan. 2:34, 35, 44, 45; Apoc. 6:2; 16:14, 16; 17:14; 19:20.
Kiʼtáriyaʼ: Bi̱ kríguii “wáyú miʼxáa” “niʼngo̱o̱” nixmínaʼ índo̱ niʼni gámbáa Gog gajmíi̱n soldados ndrígóo. Ga̱jma̱a̱ “xujkhúʼ xkawiiʼ” najuidamaʼa̱a̱n náa “aguʼ” ma̱ngaa xándú bi̱ mba̱a̱ wéñuʼ naʼni̱i̱ i̱ndó xójóo.
Xóo gambánuu: Jesús, bi̱ nindxu̱u̱ rey náa Reino ndrígóo Dios, ma̱ʼkha̱ gáʼni kríyaa xuajñuu Jeobá. Ikhaa gajmíi̱n mbá 144,000 ga̱jma̱a̱ ángeles muni gámbíin xúgínʼ Xa̱bu̱ Ñajunʼ bi̱ niruwamijná. Xúʼko̱ gaguma gámbáa numbaaʼ ndrígóo Gixa̱a̱.