Lá naʼdxawuun Dios índo̱ naratájkáan ráʼ.
Índo̱ ikháán naratákañii Dios, lá naku̱ma̱a̱ʼ rí naʼdxawaanʼ xáʼ.
DÍ EʼTHÍ NÁA BIBLIA RÁ.
Dios gajkhun naʼdxawuun. Náa Biblia naʼthí rí “Jeobá xtáa mijngii náa xúgínʼ xa̱bu̱ bi̱ nutakáñii, náa xúgínʼ xa̱bu̱ bi̱ nutháán rí gajkhun [...]; ga̱jma̱a̱ maʼdxawun índo̱ gutakáñii rí mambáñun” (Salmo 145:18, 19).
Dios nandoo rí ikháán maratakáñii. Náa Biblia naʼthúlúʼ rígi̱: “Tséʼniuu má asndu xú káʼnii kuwáanʼ, rí phú gíʼmaa muʼni gutakáñii Dios ma̱ngaa guxna̱a̱ núma̱aʼ, gunda̱ʼa̱a̱ xúgíʼ rí eyála” (Filipenses 4:6).
Dios gajkhun naxmiéjunʼ kaʼyaʼ. Dios ndaʼyoo xúgíʼ xkujndu rí xtaʼdáá ga̱jma̱a̱ rí naʼni maxmiéjuanʼ ga̱jma̱a̱ nandoo mambáyaʼ. Náa Biblia naʼthí “gutha̱a̱n xúgíʼ Dios rí naxmiéjuanla”, numuu rí ikhaa naxmiéjunʼ kaʼyala (1 Pedro 5:7).