Lá narmáʼáan a̱jkia̱nʼ ráʼ.

Nitraxnuu tsumáá náa iwáá revista Bi̱ Nayejngoo dí nigájnuu ráʼ. Atayáá á mu majmáán matriʼña̱a̱ graxe̱ rígi̱:

Ndiéjunʼ gámbáyulú á mu nuríyaʼ mbiʼi mu muʼtámíjná gajmiúlú Jeobá, dí muʼdxawíín ga̱jma̱a̱ dí mundxa̱ʼwa̱míjna̱lú ga̱jma̱a̱ numuu ikhaa rá.

Muraʼwíí májánʼ dí muʼnilú, manindxu̱lú mbáa bi̱ naʼsngáa májánʼ, fe ndrígúlú naʼni itháán gújkhúʼ ga̱jma̱a̱ maʼni dí maʼndulú kuʼyáá itháan Jeobá (w22.01, ináa 30 ga̱jma̱a̱ 31).

Ndíjkha dí gíʼmaa makumaaʼ xtayáá Jeobá ga̱jma̱a̱ bi̱ kuya̱ edxu̱u̱ náa xuajñuu rá.

Rí mbiʼi xúgi̱ gíʼmaa majmañulú makumulú kuʼyáá Dios. Nakumulú kuʼyáá índo̱ nuʼnimbulú ikha dí nuxna ga̱jma̱a̱ dí nuraʼwíí maguma bi̱ kuya̱ edxu̱u̱. Índo̱ gáʼni majphú mba̱a̱ ga̱ʼkhu̱, makuwáánʼ xawii muʼnimbulúʼ ikha dí gúxnulú maski ajndu makumulúʼ dí naʼni mingíjyúuʼ makru̱ʼu̱lú o muʼnimbánii ikha rúʼko̱ (w22.02, ináa 4 asndu 6).

Ndíjkha dí mbáa ángel niʼthúu̱n Zacarías dí mbaʼyoo mbóoʼ plomada náa ñawúunʼ xa̱bu̱ ñajunʼ Zorobabel rá. (Zac. 4:8-10.)

Visión rígi̱ nindoo gáʼthúu̱n xuajñuu Dios dí tséʼniuu á mu tikhun nduyáá dí na̱nguá mitsaanʼ wéñuʼ templo, mú mawajxí ga̱jma̱a̱ maguma xó má na̱nda̱ʼa̱ Jeobá (w22.03, ináa 16 ga̱jma̱a̱ 17).

Xóo gándoo manindxu̱lú mbá májánʼ xkri̱da ga̱jma̱a̱ rí xóo nuʼthá rá. (1 Tim. 4:12.)

Ganindxa̱a̱ʼ májáanʼ xa̱bu̱ ga̱jma̱a̱ araʼdáá gamajkuaaʼ indo̱ gárataráʼa gajma̱a̱ atani̱ ajmúú ga̱jma̱a̱ xúgíʼ a̱jkia̱nʼ náa reunión ma̱ngaa gaguʼwaanʼ matani̱ comentar, arathá má xúʼko̱ dí gajkhun, araxnún tsiakii eʼwíinʼ ga̱jma̱a̱ xájmaaʼ ajngáa dí maʼni gawúnʼ eʼwíinʼ (w22.04, ináa 6 asndu 9).

Ndíjkha nuʼthá dí xujkhú xkawi̱i̱ʼ bi̱ na̱ʼkha̱ raʼthí náa Apocalipsis 13:1, 2, nandáwiin xóo kaʼniúún mbá a̱jkhui̱i̱n xujkhú xkawi̱i̱nʼ (xa̱bu̱ ñajunʼ) bi̱ naguwáʼ náa capítulo 7 náa libro ndrígóo Daniel rá.

Xujkhú xkawi̱i̱ʼ bi̱ na̱ʼkha̱ raʼthí náa Apocalipsis 13, na̱nguá eyoo gáʼthúu̱n mbóoʼ xuajen, xóo Roma. Nandoo gáʼthúu̱n mbá xúgíinʼ xa̱bu̱ ñajunʼ bi̱ nutañajúúnʼ xa̱bu̱ numbaaʼ (w22.05, ináa 9).

Xú káʼnii ma̱ndoo musngajmá dí nakumulú kuʼyáá Jeobá índo̱ nuʼniñáa mbá xkujndu náa ñawúunʼ rá.

Xí mbawiʼ nikudaminaʼ aʼkhá náa inulú, niʼni gawúnlú wéñuʼ,nuʼnitsiakimíjna̱ mu muniʼñánʼ dí makiʼnánʼlú ga̱jma̱a̱ xúyejxíi sia̱nʼ, guniʼñááʼ xúgíʼ náa ñawúunʼ Dios. Ikhaa maʼni májáanʼ xúgíʼ dí niʼni gachúu aʼkhá (w22.06, ináa 10 gajmaa 11).

Ndiéjunʼ gíʼmaa marmáʼáan a̱jkiu̱u̱n mbáa ndxájulú índo̱ gáʼtájkáan náa reunión rá.

Índo̱ najuíʼtájkáan na̱nguá nindxu̱u̱ mu muxnún consejo a̱ngiu̱lú bi̱ kúwá ikhí ni má majuixná anuncio. Ikha jngóo xáʼyooʼ majmaaʼ “kikháá ajngáa mbaʼa nuthu” (Mat. 6:7) (w22.07, ináa 24 ga̱jma̱a̱ 25).

Ndiéjunʼ eyoo gáʼthúu̱n dí “bi̱ nini̱ dí ra̱májánʼ maguajxúnʼ mu majuiʼthá rí gúgiʼníín” rá. (Juan 5:29.)

Ikhiin xájuiʼthún rí gúgiʼníín ga̱jma̱a̱ numuu dí nini̱ nákha xóó tsékáñún. Rí nandoo gáʼthúu̱n nindxu̱u̱ dí mugíʼnii xó má gúni̱ o xú káʼnii mani̱ndxu̱ún nda̱wa̱á dí magabi̱ín (w22.09, ináa 18).

Ndiéjunʼ niʼthí ndxájulú Joseph Rutherford náa mbá asamblea dí nirígá nákha septiembre tsiguʼ 1922 rá.

Náa mbá asamblea dí nirígá náa Cedar Point (Ohio, Estados Unidos), niʼthí: “¡Gu̱ya̱a̱, Rey xtáa má raʼtáñajunʼ! Ikháanʼ nindxa̱la bi̱ kaʼñún muthi ga̱jma̱a̱ numuu. Ikha jngóo, gutaraʼa, gutaraʼa, gutaraʼa ga̱jma̱a̱ numuu Rey ma̱ngaa Reino ndrígóo” (w22.10, ináa 3 asndu 5).

Xó má na̱ʼkha̱ raʼthí náa capítulo 30 ndrígóo Isaías, xú káʼnii nindxu̱u̱ ajtsú rí xóo nambáyulúʼ Dios maʼngulú rá.

Náa capítulo rígi̱ nasngájma dí ikhaa 1) naʼdxawuun májánʼ ga̱jma̱a̱ nariʼña̱a̱ dí nuʼtákáñii, 2) naxnúlú ikha ga̱jma̱a̱ 3) naʼni tsajkurámáanʼlu xúgi̱ ga̱jma̱a̱ maʼni tsajkurámááʼlú nda̱wa̱á (w22.11, ináa 8).

Ndíjkha rí ma̱ndoo muʼthá dí ajngáa dí na̱ʼkha̱ náa Salmo 37:10,11, 29 nimbánuu má nákha ginii ga̱jma̱a̱ rí mambanúu nda̱wa̱á rá.

Ajngáa dí niʼthí David nasngájma kaʼwu xú káʼnii nirígá tsímáá náa Israel, itháan má nákha niʼtáñajunʼ Salomón. Índo̱ Jesús niʼthí ga̱jma̱a̱ numuu Ku̱ba̱ʼ mitsaanʼ dí marigá nda̱wa̱á, niʼthí dí na̱ʼkha̱ raʼthí náa versículo 11 (Mat. 5:5; Luc. 23:43) (w22.12, ináa 8 asndu 10, 14).