I̱ʼwáʼ artículos rí na̱ʼkha̱ náa Bi̱ Nayejngoo

Mbaʼin a̱ngiu̱lú najmún aplicación JW Library^® mu munigajmaa dí najuiʼyáá náa reunión, ga̱jma̱a̱ nanigu̱u̱nʼ rí ma̱ndoo matu̱ʼu̱u̱n mbájkhu náa artículo rí muʼnigajmaa ndrígóo i̱yi̱i̱ʼ Bi̱ Nayejngoo. Mú, mbaʼa nuthu i̱yi̱i̱ʼ Bi̱ Nayejngoo rí muʼnigajmaa na̱ʼkha̱ i̱ʼwáʼ artículo rí ma̱ngaa gíʼdoo numuu muʼnigajmaa. Xú káʼnii gándoo gátaxkamaa rá.

• Náa agoo rí kamaa artículo náa rí muʼnigajmaa Bi̱ Nayejngoo nakujmaa subtítulo “Otros artículos” ga̱jma̱a̱ agoo kamaa rí maʼga kañáán náa “Contenido de este número”. Á mu nataxujmbi̱i̱ ikhí maʼga kañáán náa na̱ʼkha̱ xúgíʼ artículo rí kagu̱ revista. Ikhí ma̱ndoo mataxkamaa artículo rí muʼnigajmaa ga̱jma̱a̱ número ndrígóo, ma̱ngaa na̱ʼkha̱ i̱ʼwáʼ artículo. Atraʼwíí rí manigua̱a̱ʼ matraxnuu ga̱jma̱a̱ ataxujmbi̱i̱ ikhí.

• Ma̱ngaa ma̱ndoo mata̱ʼa̱ʼ náa sección “Lo nuevo” rí na̱ʼkha̱ náa nagi̱ʼdu̱u̱ JW Library ga̱jma̱a̱ atrígú i̱yi̱i̱ʼ Bi̱ Nayejngoo rí itháán nuxi̱ʼ. Ata̱ʼa̱ʼ náa i̱yi̱i̱ʼ rí nitrígú ga̱jma̱a̱ atayáá xúgíʼ artículo rí na̱ʼkha̱ ikhí mu matraxnuu mbá xúgíʼ.