Rí mambáyáaʼ matraʼwi̱i̱: Mbá dí xúgiáanʼ gíʼmaa mundxaʼwamíjna̱

Á mu ikháán nandaaʼ mi̱dxu̱ʼnú náa mbá dí tsétatsiniiʼ. Ndiéjunʼ gátani̱ rá.

1. 1. Nadxuʼ xó má ku̱ma̱a̱ ikháán.

2. 2. Nadxuʼ kidxu̱únʼ eʼwíinʼ, natraʼthi̱i̱n dí ikhiin muniʼnuuʼ kamba̱a̱.

3. 3. Natayáaʼ mbá dí gajkhun mambáyáaʼ, xóo mbá GPS, mbá mapa o natrajxi̱i̱ mbáa bi̱ nambájxáaʼ ga̱jma̱a̱ʼ bi̱ naninuuʼ kamba̱a̱.

Á mu ikháán natraʼwíí matani̱ asndu ndiéjunʼ ma dí ria̱jma̱ dí tima ginii, mi̱dxu̱ʼnú ma, mú raʼkháa náa eyaaʼ ikháán. Mú á mu natraʼwíí dí riajtsú opción, ma̱ndoo maʼni kañiiʼ a̱jkia̱a̱nʼ dí mi̱dxu̱ʼnú náa nandaaʼ ikháán.

Rí makuwáanʼ nindxu̱u̱ xóo mbá viaje, xúgiáanʼ nandulúʼ muxkamaa kamba̱a̱ dí maʼga kaguáanʼ náa nandulúʼ: Dí makuwáanʼ gagi. Mu makuwáanʼ xígi̱ kaʼnii, ndayóoʼ mbá rí gajkhun mambáyulúʼ mu muraʼwi̱i̱ májánʼ.

Gajkhun má dí mbaʼa dí nuraʼwíí muʼni nda̱a̱ wéñuuʼ numuu, mú rígá i̱ʼwáʼ dí ra̱ʼkhá tháán gíʼdoo numuu. Nindxu̱u̱ dí nasngájmaa xóo nindxu̱lú, xóo eʼyáá dí nindxu̱u̱ májánʼ ga̱jma̱a̱ dí ra̱májánʼ. Rí muraʼwi̱i̱ muʼni mambáyulúʼ makuwáanʼ gagi ikháanʼ gajmiúlú bi̱ kuʼñúún o mbáa maʼni rí makuwáanʼ ngíná. Xóo rígi̱:

• Rí mata̱ba̱a̱ʼ ga̱jma̱a̱ʼ mbáa, rí mudamijná

• Rí marata dí gajkhun, ñajunʼ ga̱jma̱a̱ mbújkha̱a̱

• Rí matani̱ mba̱ji̱i̱n e̱ji̱n

• Xóo mambajxáaʼ gajmiáanʼ eʼwíinʼ

Xú káʼnii ma̱ndoo matayaa dí gajkhun mambáyáaʼ ikháán gajmiáanʼ bi̱ kúwá náa guʼwáaʼ mu makuwáánʼ gagi rá.

Mbá xúgiáanʼ gíʼmaa murajximíjnalú: Náá gíʼmaa mba̱yo̱o̱ mu maraʼwi̱i̱ ndiéjunʼ nindxu̱u̱ dí májánʼ rá.

Náa revista rígi̱ majmañaaʼ ndíjkha ma̱ndoo maku̱ma̱a̱ʼ dí náa Biblia gajkhun na̱ʼkha̱ dí májánʼ ga̱jma̱a̱ xú káʼnii ma̱ndoo mambáyáaʼ.