Naʼni má mbá tsiguʼ dí narígá guerra náa Ucrania | Ndiéjunʼ rí kua̱ʼthi̱i̱n eʼthí Biblia rá.

Viernes 24 ñajunʼ gu̱nʼ febrero tsiguʼ 2023, naʼni má mbá tsiguʼ dí nigi̱ʼdu̱u̱ tsingíná: Guerra dí narígá náa Ucrania. Náa tikhu informes naʼthí rígi̱, xóo naʼni má mbá 300,000 soldados bi̱ kúwá náa Ucrania ga̱jma̱a̱ náa Rusia nikháñún o nigawún, ga̱jma̱a̱ najuiʼthá dí nikháñún mbá 30,000 xa̱bu̱ bi̱ kúwá ikhí. Rúʼko̱ nindxu̱u̱ rí najuiʼthá náa noticia, mú mbáa nikháñún itháán xa̱bu̱.

Nakujmaa dí guerra xáwámbáa nacha̱, rígi̱ naʼni dí makuwáanʼ ngíná.

Nákha 19 ñajunʼ gu̱nʼ febrero tsiguʼ 2023, radio pública nacional (NRP) dí rígá náa Estados Unidos niʼthí rígi̱ : “Naʼni má mbá tsiguʼ dí soldados bi̱ kúwá náa Rusia nuni̱ gámbáa Ucrania, nakujmaa dí guerra rígi̱ marigá má xúʼko̱. Ma̱ngaa nakujmaa dí nimbáa dí mbá nájmi̱i̱n xa̱bu̱ sia̱nʼ bugi̱ maʼngo̱o̱ o dí xtáa xawii maʼniuu negociar mu nánguá muni guerra”.

Ikha jngóo mbaʼin kúwá ngíná ga̱jma̱a̱ numuu guerra dí naʼni mumíniiʼ xa̱bu̱ ga̱jma̱a̱ i̱ʼwáʼ xkujndu o ga̱ʼkhu̱ dí narígá náa xúgíʼ numbaaʼ. Mú ndiéjunʼ rí kua̱ʼthi̱i̱n eʼthí náa Biblia rá. Lá maʼga̱nú mambáa guerra mbóoʼ mbiʼi ráʼ.

Mbá guerra dí maʼni gámbóo xúgíʼ guerras

Náa Biblia naʼthí mbá guerra dí marigá rí maʼni káwíin xa̱bu̱, raʼkháa dí makhañún. Guerra rígi̱, nagumbiʼyuu Armagedón, náa libro dí Apocalipsis naʼthí xígi̱ “guerra dí marigá náa mbiʼi mba̱a̱ ndrígóo Dios bi̱ gíʼdoo xúgíʼ tsiakii” (Apocalipsis 16:14, 16). Jeobá maʼni dí marigá guerra rígi̱ mu xúʼko̱ maʼni gámbíin xúgíinʼ xa̱bu̱ ñajunʼ bi̱ kúwá náa numbaaʼ numuu rí ikhiin guaʼdáá aʼkhúún ga̱jma̱a̱ numuu guerra dí xtáa rarígá xúgi̱. Atraxnuu artículo dí na̱ʼkha̱ agoo gi̱i̱, mu xúʼko̱ ma̱ta̱ya̱a̱ xú káʼnii gáʼni dí guerra Armagedón maʼni dí marígá tsímáá: