Profecías dí na̱ʼkha̱ náa Biblia nasngájma dí Jesús nindxu̱u̱ Mesías
Dí nariʼña̱a̱ Biblia
Índo̱ Jesús nixtáa náa tsu̱du̱u̱ ku̱ba̱ʼ, náa ikhaa nimbánuu mbaʼa profecías ga̱jma̱a̱ numuu “Mesías, bi̱ Kayá edxu̱u̱”, bi̱ maʼga̱nú “maʼnikríya̱a̱ʼ numbaaʼ” (Daniel 9:25; 1 Juan 4:14). Ma̱ngaa asndu nda̱wa̱á dí nikháñuu nimbánuu má xúʼko̱ náa Jesús profecías ga̱jma̱a̱ numuu Mesías bi̱ nijuiʼtá ma̱ʼkha̱ (Salmo 110:1; Hechos 2:34-36).
Lá profecías ga̱jma̱a̱ numuu Mesías mambanúu náa mbaʼin xa̱bu̱ ráʼ.
Nguáthá profecías e̱ʼkha̱ náa Biblia ga̱jma̱a̱ numuu Mesías rá.
Tikhuu profecías ga̱jma̱a̱ numuu Mesías dí nimbánuu náa Jesús.
Ndiéjunʼ eyoo gáʼthúu̱n Mesías rá.
Náa ajngáa hebreo ajngáa Maschíaj (Mesías) ga̱jma̱a̱ náa ajngáa griego Kjristós (Cristo) nandoo gáʼthúu̱n “bi̱ Kaxtaʼwíi”. Ikha jngóo Jesucristo nandoo gáʼthúu̱n “Jesús bi̱ Kaxtaʼwíi” o “Jesús bi̱ nindxu̱u̱ Mesías”.
Nákhá wajyúuʼ mu muriya̱a̱ʼ mbáa mu magiʼdoo mbá ñajunʼ dí gíʼdoo numuu, ndayóoʼ muxtra̱ma̱a̱ aceite edxu̱u̱ (Levítico 8:12; 1 Samuel 16:13). Dios niraʼwíi Jesús mu mani̱ndxu̱u̱ Mesías, ikhaa magiʼdoo mbá ñajunʼ dí gíʼdoo numuu (Hechos 2:36). Mú, na̱nguá nixtrámuuʼ aceite edxu̱u̱ Jesús, ikhaa niraʼwíi ga̱jma̱a̱ espíritu santo (Mateo 3:16).
Lá profecías ga̱jma̱a̱ numuu Mesías mambanúu náa mbaʼin xa̱bu̱ ráʼ.
Na̱nguá. Xó má a̱jmi̱i̱n xa̱bu̱ xándoo maguáʼdáá ikháá má huella, xúʼko̱ má profecías dí na̱ʼkha̱ náa Biblia nambánuu káaʼ náa mbáwíi Mesías o Cristo. Mú náa Biblia naʼthí rí: “Makuwá bi̱ muthíí rí ni̱ndxu̱ún Cristo ga̱jma̱a̱ profetas bi̱ minduwiinʼ, ma̱ngaa muni̱ mbaʼa milagro ga̱jma̱a̱ i̱ʼwáʼ rí mitsaanʼ mu muni̱ nduwiinʼ xa̱bu̱, ga̱jma̱a̱ asndu maʼndún muninduwiinʼ bi̱ kaxtaʼwíin” (Mateo 24:24).
Lá ma̱ʼkha̱ i̱mba̱a̱ Mesías nda̱wa̱á ráʼ.
Na̱nguá, náa Biblia niʼtáriyaʼ dí Mesías ma̱ʼkha̱ náa David, bi̱ ninindxu̱u̱ mbáa rey náa Israel (Salmo 89:3, 4). Mú, náa kiʼniraʼmáʼ mbiʼñún bi̱ naguwaʼ náa goʼwóo rey David nindátíga̱a̱. Nakujmaa dí niguma gámbáa índo̱ romanos nitu̱ʼu̱u̱n gúnigámbáa Jerusalén nákhá tsiguʼ 70.a Asndu nákhá ikhú, nimbáa tséʼngo̱o̱ gasngájma dí na̱ʼkha̱ náa familióo David, mú náa kiʼniraʼmáʼ mbiʼñún nirígá xóó nákhá nixtáa Jesús, ikha jngóo nimbáa xa̱bu̱ sia̱nʼ ndrígóo Jesús táʼngo̱o̱ gaʼthí dí ragájkhun dí Jesús na̱ʼkha̱ náa familióo David (Mateo 22:41-46).
Nguáthá profecías e̱ʼkha̱ náa Biblia ga̱jma̱a̱ numuu Mesías rá.
Xándoo muʼthá mbájmbu nguáthá profecías rígá, numuu dí mixtiʼkhu xóo eguxnuu mámbáa profecías dí na̱ʼkha̱ náa Biblia, dí na̱ʼkha̱ raʼthí ga̱jma̱a̱ numuu Mesías. Xóo dí naʼthí náa Isaías 53:2-7 naʼthí mbaʼa enii ga̱jma̱a̱ numuu Mesías. Tikhun xa̱bu̱ nuthi dí nindxu̱u̱ káaʼ mbóó profecía, mú eʼwíinʼ nuthi dí mámbá dí nijkha rarígá nindxu̱u̱ mbá profecía.
Tikhuu profecías ga̱jma̱a̱ numuu Mesías dí nimbánuu náa Jesús.
Dí nirígá |
Profecía |
Xóo nimbánuu |
|---|---|---|
Ni̱ʼkha̱ náa e̱ji̱i̱n Abrahán |
||
Ni̱ʼkha̱ náa e̱ji̱i̱n Isaac, a̱ʼdióo Abrahán |
||
Ni̱ʼkha̱ náa xuajin chíʼgíiʼ ndrígóo Israel náa Judá |
||
Ni̱ʼkha̱ náa e̱ji̱i̱n David |
||
A̱ʼdióo mbáa dxáʼgú bi̱ xóó tsébóoʼ ga̱jma̱a̱ xa̱bu̱ |
||
Nigumaa náa Belén |
||
Nigumbiʼyuu Emmanuelb |
||
Tákujmaa dí magiʼdoo wéñuuʼ numuu |
||
Nda̱wa̱á dí nigumaa niradíin mbaʼin e̱ji̱i̱n |
||
Nindxaʼwáá ma̱ʼkha̱ náa Egipto |
||
Nijmaʼniiʼ xóo Nazarenoc |
||
Nixtáa mbáa bi̱ nijngruigo̱o̱ kagu̱u̱ ajngáa ga̱jma̱a̱ numuu |
||
Nijuaxtaʼwíi xóo Mesías nákhá tsiguʼ 29d |
||
Dios niʼthí rí nindxu̱u̱ A̱ʼdióo |
Salmo 2:7 |
|
Nindoo kaʼyoo wéñuuʼ goʼwóo Dios |
Salmo 69:9 |
|
Niʼtáráʼa ajngáa rí májánʼ |
||
Ninindxu̱u̱ xóo mbá aguʼ rí niʼtáráʼa náa Galilea |
||
Niʼni milagros xó má Moisés |
||
Niʼthí dí nandoo Dios xó má niʼni Moisés |
||
Niʼni tanúú mbaʼin bi̱ naʼniún nandii |
||
Táyáʼ dí majmaʼniiʼ wéñuuʼ |
||
Nigáwíinʼ a̱jkiu̱u̱n kaʼñún bi̱ numíníiʼ |
||
Niʼsngáa ga̱jma̱a̱ numuu jmbu ndrígóo Dios |
||
Najmañuu naxná Consejo |
||
Nixnún muniʼnuu mbiʼyuu Jeobá |
Salmo 22:22 |
|
Niʼsngáa ga̱jma̱a̱ xkri̱da |
Salmo 78:2 |
|
Kayá edxu̱u̱ |
||
Mbaʼin túnimbu̱u̱n kuyáá |
||
Ninindxuu mbá itsí dí niʼni majngrádiinʼ |
||
Táʼndún gúyáá |
Salmo 118:22, 23 |
|
Nda̱a̱ mbá numuu rí niwiñu̱u̱nʼ kuyáá |
Salmo 69:4 |
|
Nini̱ mba̱a̱ índo̱ nito̱ʼo̱o̱ náa Jerusalén, nigrigu náa mbáa burro |
||
E̱ji̱n nini̱ mba̱a̱ |
Salmo 8:2 |
|
Ni̱ʼkha̱ náa mbiʼyuu Jeobá |
Salmo 118:26 |
|
Niʼni nduwaaʼ mbáa bi̱ nambájxu ga̱jma̱a̱ |
Salmo 41:9 |
|
Nixtagujuaaʼ ga̱jma̱a̱ mbá 30 mbújkha̱a̱ platae |
||
Niniña̱a̱nʼ bi̱ nambájxu gajmíi̱n |
||
Nikúwá xa̱bu̱ bi̱ nithi dí nduwaʼ ga̱jma̱a̱ numuu |
Salmo 35:11 |
|
Nda̱a̱ dí niʼthí náa inún xa̱bu̱ sia̱nʼ ndrígóo |
||
Nindujtááʼ inuu |
||
Nixnáá edxu̱u̱ |
||
Nixpajtii |
||
Nda̱a̱ dí niʼni índo̱ nixnáá |
||
Xa̱bu̱ ñajunʼ niriya̱ʼ awan dí muni̱i̱ |
Salmo 2:2 |
|
Nidujmáá ñawúunʼ ga̱jma̱a̱ rajkhúu náa mbá ixi̱ |
Salmo 22:16 |
|
Niri̱ya̱ʼ suerte ga̱jma̱a̱ numuu xtíñuu |
Salmo 22:18 |
|
Ndiyáá xóo mbáa xa̱bu̱ aʼkhá |
||
Nitawéñííʼ, ndiyáá xóo na̱nguá gíʼdoo numuu |
Salmo 22:7, 8 |
|
Nixtáa xawii mamínuuʼ ga̱jma̱a̱ numún xa̱bu̱ aʼkhá |
||
Nikujmaa xóo rí Dios niniñuti̱ga̱a̱ |
Salmo 22:1 |
|
Nixná maga̱a̱n vino miga̱ʼ rí kandawooʼ ga̱jma̱a̱ dí miʼkhu̱u̱n |
Salmo 69:21 |
|
Nikándawuuʼ índo̱ inuu makhañún |
Salmo 22:15 |
|
Niniñuuʼ espíritu ndrígóo náa Dios |
Salmo 31:5 |
|
Nixnájxi̱ vida ndrígóo |
||
Nixnájximinaʼ mu maʼtsiwáanʼ mu marígú aʼkhá |
||
Túxmi̱ga̱ʼ nimbá itsu̱u̱ |
Salmo 34:20 |
|
Nixkruaʼaa mbá lanza |
||
Nidi̱i̱ xóo mbáa xa̱bu̱ rico |
||
Nigabi̱i̱ |
Salmo 16:10 |
|
Nixtiʼkuriyaaʼ bi̱ nigujua̱a̱ |
Salmo 109:8 |
|
Nigi̱ʼi̱ náa níjniú mújúunʼ Dios |
Salmo 110:1 |
a Náa Cyclopedia de McClintock ga̱jma̱a̱ Strong’s naʼthí: “Mbáa nákha niguma gámbáa Jerusalén niguámbáa náa nigumaraʼmáʼ mbiʼñún bi̱ naguwáʼ náa xuajen majkhaʼ ndrígún judíos, raʼkháa nákha wapháá”.
b Náa ajngáa hebreo Emmanuel, dí nandoo gáʼthúu̱n “Dios xtáa gajmá ni̱ndxu̱lú” nasngájma kaʼwu ñajunʼ dí nigiʼdoo Jesús xóo Mesías.Dí ni̱ʼkha̱ ga̱jma̱a̱ dí niʼni náa tsu̱du̱u̱ ku̱ba̱ʼ nasngájma dí Dios xtáa ga̱jma̱a̱ nindxu̱ún xa̱bu̱ bi̱ nduyamajkuíí (Lucas 2:27-32; 7:12-16).
c Ajngáa “Nazareno” mbáa ṉaʼkha̱ náa ajngáa hebrea netser, rí nandoo gáʼthúu̱n “rudiuuʼ”.
d Á mu nandaaʼ ma̱ta̱ya̱a̱ xóo ni̱ʼkha̱ rarígá nákha wajyúuʼ dí naʼthí náa Biblia dí nasngájmaa dí Mesías makujmaa náa tsiguʼ 29, atayáá artículo rí kayá edxu̱u̱ “Gaʼyee Daniel naʼtáriyaʼ tsiguʼ rí ma̱ʼkha̱ Mesías”.
e Profecía rígi̱ na̱ʼkha̱ náa libro ndrígóo Zacarías, mú libro ndrígóo Mateo naʼthí dí niʼtáríyá profeta Jeremías (Mateo 27:9). Nakujmaa dí nguáná náa tikhuu rí nigumaraʼmáʼ na̱ʼkha̱ ginii libro ndrígóo Jeremías náa kí xóo i̱yi̱i̱ʼ dí niniraʼmáʼ “profetas” (Lucas 24:44). Mbáa Mateo niʼthí ga̱jma̱a̱ numuu “Jeremías” mu maʼthí ga̱jma̱a̱ numuu xúgíʼ rí ninirámáʼ profetas, náa ma̱ngaa na̱ʼkha̱ libro ndrígóo Zacarías.