Nota

a Colosenses 3:5-9: “Guni gámbáa dí na̱nda̱ʼa̱ xuyala dí rígá náa tsu̱du̱u̱ ku̱ba̱ʼ rí mataxuʼdáminaʼ aʼkhá ga̱jma̱ʼ mbáa, dí mitsaga wéñuʼ, dí nagua̱ʼa̱ wéñuʼ mataba̱ʼ ga̱jma̱ʼ mbáa, dí nandaʼ matani gawúunʼ eʼwíínʼ ga̱jma̱a̱ dí maʼndaʼ maraʼdáá wéñuʼ, xúgíʼ rúʼko̱ nindxu̱u̱ xóo matiamajkún xándú. Ga̱jma̱a̱ numuu rígi̱ Dios ma̱ʼkha̱ kayóo rí maʼnimbáti̱gi̱i̱n. Xúgi̱ kaʼnii ninila nákha ginii índo̱ kuwáanʼ ikhí. Mú rí xúgi̱ gíʼmaa matani tsíngunʼ xúgíʼ rígi̱ náa ikháánʼ: Rí nakiʼnán, rí najmanguaʼ wéñuʼ, rí matani dí ra̱májánʼ wéñuʼ, rí marata̱ wéñiʼ xa̱bu̱ ga̱jma̱a̱ marata̱ ajngáa tsaga. Xúninduwamijnála. Guniʼñáaʼ ranindxala ga̱jma̱a̱ rí enila nákha ginii”.