Nota

c Deuteronomio 11:10-15: “‹Numuu rí náa ku̱ba̱ʼ dí na̱jkua̱ makuwáaʼnláʼ nindxu̱u̱ mixtiʼkhu kayuuʼ xóo ku̱ba̱ʼ ndrígóo Egipto náa nigájnala, náa ikháanʼla nu̱du tsígáʼ ga̱jma̱a̱ nda̱wa̱á ndayóoʼ muxtijyáʼ ga̱jma̱a̱ rajkuálaʼ, xóo náa nudu yaʼwu. Mú, náa ku̱ba̱ʼ rí najkuala makuwáanʼ nindxu̱u̱ mbá ku̱ba̱ʼ náa rígá kúbá rígá xkua̱ ga̱jma̱a̱ mata. Ga̱jma̱a̱ ruʼwa rí naxnúu nagíyóoʼ; mbá ku̱ba̱ʼ rí Jeobá Dios ndrígála xtáa rañe̱wu̱u̱n. Jeobá nayexu̱u̱ má xúʼko̱ ku̱ba̱ʼ rígi̱, índo̱ nagi̱ʼdu̱u̱ tsiguʼ asndu índo̱ naguámbáa. ‹Ga̱jma̱a̱ á mu ikháanʼ nunimbánii kiʼtáñajunʼ rí na̱xna̱la xúgi̱ ga̱jma̱a̱ nandala ku̱ya̱a̱ Jeobá Dios ndrígála, ga̱jma̱a̱ á mu nuni ñajuunʼ ikhaa ga̱jma̱a̱ xúgíʼ a̱jkia̱la ma̱ngaa xúgíʼ xóo nindxa̱la, ikhú, mani rí maxnúu ruʼwa náa ku̱ba̱ʼ ndrígála mbiʼi rí kaʼyoo, ruʼwa ruʼphu ga̱jma̱a̱ ruʼwa rí naxnúu nda̱wa̱á, gajkhun rí majma̱a̱ májánʼ rí mata̱du, vino ndrígáaʼ ga̱jma̱a̱ aceite. Ga̱jma̱a̱ mani rí marudíinʼ iná mu̱phu̱ xujkiáaʼ bi̱ xtaʼdiin, marigá rí miʼtsú asndu magiʼmaaʼ.”