Nota

b Revelación 7:9-14: Nda̱wa̱á dí nijngoo xúgíʼ rígi̱, ¡gu̱ya̱a̱!, ra̱ʼkhá tháán mbaʼin xa̱bu̱, dí asndu nimbáa xa̱bu̱ tséʼngo̱o̱ gáguxnuu, bi̱ naguwáʼ náa xúgíʼ xuajen mba̱ʼu̱, xuajen majkhaʼ ga̱jma̱a̱ náa xúgíʼ ajngáa, guájun náa inuu trono ga̱jma̱a̱ náa inuu Aʼdá múgú, kaguwunʼ xtíin miʼxá rí mbijua; ga̱jma̱a̱ kuda ida náa ñawúunʼ. Ga̱jma̱a̱ nuxuxi má xúʼko̱ aʼwún ga̱jma̱a̱ nuthi: “Náa Dios gíʼmáanʼ rí niguma káwáanʼ, bi̱ gíiʼ náa trono ga̱jma̱a̱ Aʼdá múgú”. Ga̱jma̱a̱ xúgíinʼ ángeles wájun náa rawunʼ trono ma̱ngaa náa xa̱bu̱ wanii ga̱jma̱a̱ náa inún a̱jkhui̱i̱n bi̱ nduya, nixruigú edxu̱ún asndu mbayííʼ ga̱jma̱a̱ ndiyamajkuíí Dios, ga̱jma̱a̱ nithi: “¡Xúʼko̱ gaʼne! Rí maguma tsajkurámaaʼ, maguma mba̱a̱, bi̱ gíʼdoo ku̱ma̱, bi̱ mixnáa núma̱aʼ, mbiʼyamajkuíí ga̱jma̱a̱ bi̱ gíʼdoo tsiakii ganindxu̱u̱ Dios ndrígúlú asndu kámuu mbiʼi. Xúʼko̱ gaʼne”. ga̱jma̱a̱ niriʼña mbáa xa̱bu̱ nikhi̱i̱ niʼthúnʼ: “Bugi̱ bi̱ kaguwu̱nʼ xtíñún miʼxá, tsíin ni̱ndxu̱ún ga̱jma̱a̱ náa niguwaʼ xá”. Mú núkhu niriʼña̱a̱la: “Señor, ikháánʼ má natayáá”. Ga̱jma̱a̱ niʼthúunʼ: “Bugi̱ ni̱ndxu̱ún bi̱ nagájnún náa majphú mba̱a̱ ga̱ʼkhu̱, ga̱jma̱a̱ nijña̱a̱ xtíñún rí mbi̱jua̱ ma̱ngaa nuni kaʼwi̱i̱ ga̱jma̱a̱ eʼdiuu Aʼdá Múgú.