Nota

i Apocalipsis 18:2, 4, 5, 8: Ga̱jma̱a̱ ikhaa niʼthí gakhi̱i̱: “¡Nijpátrigu! ¡Babilonia xuajin Mba̱a̱ nijpátrigu, ga̱jma̱a̱ ni̱jkha̱nú ninindxu̱u̱ guʼwún xa̱bu̱ wéñiʼ ga̱jma̱a̱ náa narkaʼwuminaʼ mámbáa espíritu xkawiiʼ ga̱jma̱a̱ mámbáa ñu̱ʼu̱ bi̱ mitsagaa wéñuʼ bi̱ naguiñunʼ kuyáá! Ma̱ngaa nidxáun mbá aʼwá náa mekhuíí rí niʼthí: “Agajnáʼla ikhí xuajñunʼ, á mu tsíyalá mundáwami̱jna̱ ga̱jma̱a̱ aʼkhá dí nuni ikhiin, ma̱ngaa á mu tsíyalá mudrígulá gamiéjunʼ dí mundrigú ikhiin”. Numuu rí aʼkhá ndrígu̱ún nitumuu asndu mekhuíí, ga̱jma̱a̱ Dios narmáʼáan a̱jkiu̱u̱n xúgíʼ dí raʼkhí nini. Ikha jngó, káaʼ mbóó mbiʼi ma̱ʼkha̱ gamiéjunʼ, ewiʼ, tsingíná ga̱jma̱a̱ rí makhañúu, ga̱jma̱a̱ nda̱wa̱á mikhaa náa aguʼ, numuu rí gíʼdoo tsiakii Jeobá Dios bi̱ ninda̱ʼa̱ cuenta náa ikhaa.