Nota

c Marcos 10:17-22: “Índo̱ xtáa ra̱jkha̱ kamba̱a̱, mbáa xa̱biya̱ ni̱ʼkha̱ ragáyúu ga̱jma̱a̱ nismbáti̱go̱o̱ inuu, ikhú nirajxu̱u̱: “Maestro Májáanʼ, ndiéjunʼ eyóoʼ ma̱ni̱ mú maxtáá kámuu mbiʼi rá.” Jesús niʼthúu̱n: “Náá numuu rí narathúnʼ rí ni̱ndxu̱ʼ mújúnʼ rá. Nda̱wa̱a̱ imba̱a̱ bi̱ májáanʼ, i̱ndó Dios. Ikháán má natatsinuʼ xtángoo: Xátaxíyáa xa̱bu̱, xátaxuʼdáminaʼ aʼkhá ga̱jma̱a̱ʼ imba̱a̱, xátani kuʼwáʼ, xátani gáma, xátani nduwaʼ, atayamajkuíí ana̱ʼ ga̱jma̱a̱ ru̱dáaʼ”. Ikhú xa̱bu̱ niʼthí: “Maestro, nanimbánuu má xúgíʼ rígi̱ asndu nákha chíʼgiúnʼ”. Jesús niyejxu̱u̱ ga̱jma̱a̱ nigáwiinʼ a̱jkiu̱u̱n kaʼyoo, ikhú niʼthúu̱n: “Imbóó rí ndayóoʼ matani. Ayu̱u̱ʼ gátagujua̱a̱ rí xtaʼdáá ga̱jma̱a̱ araxnúún mbújkha̱a̱ xa̱bu̱ gíníin. Xúʼko̱ maraʼdáá mbá rí gíʼdoo numuu náa mekhuíí, ga̱jma̱a̱ ayi̱ mu mani̱ndxa̱a̱ʼ xa̱bi̱ʼ”. Mú índo̱ niʼdxuun rígi̱ xa̱bu̱, nijmáa a̱jkiu̱u̱n ga̱jma̱a̱ ni̱jkha̱a̱ gíná numuu dí ra̱ʼkhá tháán gíʼdoo”.