Nota

b Daniel 4:10-17: “Visión dí ndi̱yo̱o̱ náa nigúndaa índo̱ kaʼmúúʼ náa xia̱woʼ, ndi̱yo̱o̱ mbá ixi̱ mitsídánʼ wéñuuʼ dí juáʼan náa tapo̱o̱ ku̱ba̱ʼ. Ixi̱ nigaja̱a̱ ga̱jma̱a̱ niʼni gújkhúʼ, asndu náa mekhu nijkha túmuu inuu ixi̱. Nakujmaa ixi̱ rúʼko̱ náa xúgíʼ tsu̱du̱u̱ ku̱ba̱ʼ. Ñawúunʼ ixi̱ rúʼko̱ mitsaanʼ wéñuuʼ, rígá wéñuuʼ xndúu ga̱jma̱a̱ ikhí rígá ganitsu dí maʼngo̱o̱ muphu xúgíinʼ. Xujkhú xáná nagún náa xkamijxoo, ñu̱ʼu̱ bi̱ nagún rijma̱a̱ kúwá náa ñawúunʼ. Xúgíinʼ bi̱ nduya na̱ʼphu̱ dí rígá ikhí. Índo̱ xtáá rágundaa náa xia̱woʼ, ndi̱yo̱o̱ mbáa ángel bi̱ nayejngoo, bi̱ nagajtaa mekhuíí. Ikhaa niʼthí ga̱jma̱a̱ aʼwá gakhi̱i̱: “¡Gurujtu ixi̱, ga̱jma̱a̱ gurujturígú ñawúunʼ, gudatigúu inúu, gudaʼ kaníí xndúu! Gagajnún xujkhúʼ náa agoo ixi̱, ga̱jma̱a̱ ñu̱ʼu̱ náa ñawúunʼ. Mú, guniʼñáánʼ xminduuʼ ga̱jma̱a̱ ajmu̱u̱ náa ku̱ba̱ʼ, gugíwánʼ ajua̱nʼ ga̱jma̱a̱ cobre, guniʼñááʼ náa majñu̱u̱ʼ xaná. Gamajaan ga̱jma̱a̱ ya̱jma̱ʼ dí nagajtaa mekhuíí, garigá náa kúwi̱i̱n xujkhú ga̱jma̱a̱ náa majñu̱u̱ʼ iná dí rígá náa tsu̱du̱u̱ ku̱ba̱ʼ. Ní xágiʼdoo a̱jkiu̱u̱n xóo mbáa xa̱bu̱ numbaaʼ ga̱jma̱a̱ gagiʼdoo a̱jkiu̱u̱n xóo mbáa xujkhúʼ, ga̱jma̱a̱ manújngoo mbá juwan tiempo náa ikhaa. Rígi̱ dí nuthi bi̱ nuyejngoo, rúʼko̱ dí nithi marigá iwáá kayuuʼ bi̱ ni̱ndxu̱ún kaʼwiin, mu xúgíinʼ bi̱ kúwá, mbuyáá dí bi̱ xtáa itháan mitsídánʼ nindxu̱u̱ bi̱ Naʼtáñajunʼ náa kúwá rutañajunʼ xa̱bu̱ numbaaʼ ga̱jma̱a̱ rí Ikhaa naxnúu maʼtáñajunʼ bi̱ ikhaa nandoo ma̱ngaa naxnúu maʼtáñajunʼ xa̱bu̱ wabaaʼ”.