Nota

e KU̱MA̱ RÍ GÍʼDOO NUMUU: Ajngáa tsímáá dí rígá náa xuajñuu Dios, nandoo gáʼthúu̱n bi̱ kúwá mbá kambájxu̱u̱n runi ñajuunʼ Jeobá. Numuu rí ikhí nundrígú mbaʼa rí ma̱ndoo mambáyulú mambajxúlú májánʼ gajmiúlú ikhaa rí na̱nguá kandawóoʼ kiʼsngáa ndrígóo religión dí minduwaʼ. Guáʼdáá mbá ñajunʼ rí nanigulúʼ: Rí nuʼtáraʼa ajngáa rí májánʼ ndrígóo Reino. Ma̱ngaa rí nambájxulú májánʼ gajmiúlú Jeobá ga̱jma̱a̱ nakuwáánʼ tsímáá gajmiúlú a̱ngiu̱lú bi̱ gajkhun nandún kuyulú ga̱jma̱a̱ numbayúlúʼ mu maʼngulú muraʼníí xkujndu ga̱jma̱a̱ gagi. Natuʼulú náa tsímáá dí rígá náa xuajñuu Dios índo̱ nduʼyamajkuíí Jeobá xóo má gíʼmaa ma̱ngaa índo̱ nuʼnimíjna mbuʼyaridáá.