Nota

b Esdras 1:2-4: “Rígi̱ dí naʼthí Ciro rey ndrígóo Persia: ‹Jeobá, Dios bi̱ niʼni mekhu, nixnuʼ matañájunʼ náa xúgíʼ tsu̱du̱u̱ ku̱ba̱ʼ ga̱jma̱a̱ nigiu̱u̱nʼ dí mani goʼwóo náa Jerusalén dí rígá náa Judá. Ikháanʼ bi̱ kuwáanʼla náa xuajñuu, Dios ndrígála gáxtáa ga̱jma̱á nindxa̱la, gutsimáanʼla náa Jerusalén dí rígá náa Judá ga̱jma̱a̱ guni̱i̱lá goʼwóo Jeobá, Dios ndrígóo Israel. Ikhaa nindxu̱u̱ Dios bi̱ gajkuwiin, bi̱ nigiʼdoo goʼwóo náa Jerusalén. Asndu tsáá má bi̱ niʼkháá tséʼniuu asndu náá má mina̱a̱ʼ, gumbayíí bi̱ kúwi̱i̱n mijngii gajmíi̱n. Guxna̱a̱ oro, plata, dí guaʼdáá, ma̱ngaa xujkhú ga̱jma̱a̱ i̱ʼwáʼ dí ikhiin gaʼndún muxná mu majmáa náa goʼwóo Dios bi̱ gajkuwiin dí rígá náa Jerusalén›”.