Ezequiel

26 Nákha tsiguʼ 11, timbá mbiʼi dí ndayáa gu̱nʼ, nigruígú mbu̱júu̱ ajngóo Jeobá. Niʼthúnʼ: 2 “A̱ʼdióo xa̱biya̱, Tiro nitsíjmaa Jerusalén índo̱ niʼthí: ‹¡Ra̱ʼkhá tháán májánʼ! ¡Xkrugoo riejuun xuajin niguma gámbáa! Dí xúgi̱ maguwáʼ náa ikhúún ga̱jma̱a̱ magúʼdoo, numuu dí ikhaa niguma gámbáa›. 3 Ikha jngóo, rígi̱ dí naʼthí Tátá Jeobá bi̱ itháán mba̱a̱: ‹Ikháán Tiro, gi̱i̱ xtáá mu maxmína̱ʼ ga̱jma̱á nindxa̱a̱ʼ, ma̱ni̱ dí xa̱bu̱ bi̱ kúwá náa mbaʼa xuajin muni̱ ngínáá xóo índo̱ lamáa* naʼni dí maʼbajxu̱u̱ iyaʼ. 4 Ikhiin muni̱ gámbáa xtájtsí ndrígóo Tiro ga̱jma̱a̱ muni̱ gámbáa torres, ikhúún ma̱tóo ku̱bo̱o̱ʼ, maniʼñúuʼ xóo mbá itsí rí naxpíbínʼ ga̱jma̱a̱ tsaʼtsaʼ. 5 Maʼga̱nú mani̱ndxu̱u̱ náa murgujndo̱o̱ʼ amúúnʼ bi̱ nurawíin e̱gi̱ʼ náa tapo̱o̱ lamáa›.

‹Numuu dí ikhúún ni̱tha̱, eʼthí Tátá Jeobá bi̱ itháán mba̱a̱, ikhaa maʼga̱nú mani̱ndxu̱u̱ mbá dí maguanáa dí magún kudúún xa̱bu̱ xuajin. 6 Xa̱bu̱ xuajin bi̱ kúwá xanáá* makhañún ga̱jma̱a̱ espada, ikhú xa̱bu̱ maguánú mbuyáá dí ikhúún nindxu̱ʼ Jeobá›.

7 Numuu dí rígi̱ dí naʼthí Tátá Jeobá bi̱ itháán mba̱a̱: ‹Atayáá, ma̱ʼkhá ka̱ya̱a̱ʼ asndu náa norte bi̱ maxmína̱ʼ ga̱jma̱a̱ Tiro, ikhaa nindxu̱u̱ Nabucodonosor* rey ndrígóo Babilonia, bi̱ nindxu̱u̱ rey náa xúgíinʼ reyes, ma̱ʼkha̱ kagui̱i̱n wáyú, carro dí nuxmijná ga̱jma̱a̱, bi̱ nudrúwíin wáyú ga̱jma̱a̱ ra̱ʼkhá tháán mbaʼin soldado.* 8 Maʼni gámbáa ga̱jma̱a̱ espada xúgíʼ xuajñaanʼ dí rígá xanáá, makujxi̱ mbá xtájtsí dí maruguamaʼán ga̱jma̱a̱, makujxi̱ mbá dí mato̱ʼo̱o̱ ga̱jma̱a̱ mu maʼni gámbáa, ma̱ngaa maxnáaʼ ga̱jma̱a̱ mbá escudo dí mba̱a̱. 9 Maxnúu xtájtsí ndrígáaʼ ga̱jma̱a̱ mbá ajua̱nʼ dí naʼni gámbóo, ma̱ngaa maʼni gámbóo torres ndrígáaʼ ga̱jma̱a̱ háchóo.* 10 Ra̱ʼkhá tháán mbaʼin wáyíi̱ rí asndu muni̱ rí mundawa̱a̱n yujndaʼ. Gakhi̱i̱ ewán egún wáyú ga̱jma̱a̱ llántóo carro maʼni dí maʼba̱a̱n xtájtsí ndrígáaʼ índo̱ ikhiin gánújngún náa xkruguaaʼ, xóo índo̱ xa̱bu̱ nuni̱ gámbáa mbá xuajin dí nijmigu̱u̱ xtájtsí ndrígóo. 11 Tsújún wáyíi̱ mujngupri̱ga̱ náa xúgíʼ kamba̱a̱ʼ, ikhaa magudíin xa̱bu̱ xuajñaanʼ ga̱jma̱a̱ espada ga̱jma̱a̱ rajkhúu guʼwáaʼ majmiguri̱ga̱a̱ mbayííʼ. 12 Magúun kudúún mbá xúgíʼ dí gáwanáa náa ikháán, murawíi xúgíʼ dí natagujua̱, muni̱ gámbáa xtájtsí ndrígáaʼ ga̱jma̱a̱ muni̱ gámbáa guʼwáaʼ rí mitsaanʼ,* ikhú mudaʼ náa iyaʼ itsí ndrígáaʼ, ixi̱ ga̱jma̱a̱ ku̱ba̱a̱ʼ›.

13 ‹Ma̱ni̱ dí ni xáwáán ajmúú ndrígáaʼ, ga̱jma̱a̱ ni xáwáán itháan aʼwóo arpa ndrígáaʼ. 14 Maniʼñááʼ xóo mbá itsí dí naxpíbínʼ ga̱jma̱a̱ tsaʼtsaʼ, mi̱dxu̱ʼnú mani̱ndxa̱a̱ʼ náa murgujndo̱o̱ʼ amúúnʼ bi̱ nurawíin e̱gi̱ʼ. Ni xáguma májáanʼ xuajñaanʼ, numuu dí ikhúún, Jeobá ni̱tha̱ rígi̱›, eʼthí Tátá Jeobá bi̱ itháán mba̱a̱.

15 Rígi̱ dí Tátá Jeobá bi̱ itháán mba̱a̱ naʼthúu̱n Tiro: ‹Lá xámíñún bi̱ kúwá náa islas* índo̱ gáwán dí nixpátríguíín, índo̱ gúguwa̱nʼ bi̱ na̱jkha̱ rakháñún, ga̱jma̱a̱ índo̱ gákháñún mbaʼin xa̱bu̱ náa ikháán ráʼ. 16 Xúgíinʼ príncipe* bi̱ kúwá náa lamáa ni xátri̱gi̱i̱n náa xíliu̱ún* dí nutañajunʼ, murawíi xtíñún dí mbi̱jua̱ ga̱jma̱a̱ murawíi xtíñún dí kiʼxmí dí kugíʼ, ra̱ʼkhá tháán gámíñún.* Matri̱gi̱i̱n mbayííʼ rí asndu xáwi̱ji̱i̱ raguíʼiin ga̱jma̱a̱ índo̱ gúyaaʼ maguanún tsiánguá. 17 Muni̱ mbá ajmúú ngíná ga̱jma̱a̱ numaaʼ ma̱ngaa mutha̱a̱n:

“¡Xú káʼnii niʼni dí niguma gámbáan, ikháán náa nikúwá xa̱bu̱ bi̱ kúwá náa lamáa, mbá xuajin dí niguma mba̱a̱!

19 Numuu dí rígi̱ rí naʼthí Tátá Jeobá bi̱ itháán mba̱a̱: ‹Índo̱ gáni̱ gámbáa mbá xúgíʼ dí rígá náa ikháán, xóo mbá xuajin náa dí ni ndáwi̱i̱n xa̱bu̱, índo̱ gáni̱ dí náa ikháán majnííʼ iyaʼ dí naʼbajngaa ga̱jma̱a̱ iyaʼ dí xkujyuʼ dí maruguarámáánʼ, 20 maʼgá ka̱ña̱a̱n mbóó gajmiáanʼ bi̱ nagúun náa iñá wajinʼ, náa gajchún xa̱bu̱ bi̱ nikúwá nákha wajyúuʼ. Ma̱ni̱ dí maraxtaa náa dí itháan mi̱jnu̱ʼ, xó má xuajin dí nirígá nákha wajyúuʼ dí niguma gámbáa, midxu̱u̱ʼ ikhí gajmiáanʼ bi̱ nagúun náa iñá wajinʼ mu xúʼko̱ ni xákúwá xa̱bu̱ náa ikháán. Ikhú ma̱ni̱ dí maʼni̱i̱ mitsaanʼ ku̱ba̱ʼ náa kúwá bi̱ nduya.

21 Ma̱ni̱ dí mamiñáanʼ mbá nacha̱, ni xáraxtaa itháan. Mbuñáanʼ, mú ni xúxkamáán nditháan›, eʼthí Tátá Jeobá bi̱ itháán mba̱a̱”.