Jeobá maʼni tsajkurámáánʼ

1. Guʼni ñajuunʼ Dios Jeobá ga̱jma̱a̱ ngajua

mu ma̱ndoo makuwáanʼ tsímáá.

Mú Dios má ndaʼyoo rí marigá mbiʼi

rí ikháanʼ mbaʼyulú tsiakii.

Á mu natatsíñáʼ guʼwáaʼ jma̱a̱ numuu,

Anu̱lú Dios, maxnáʼ itháan.

Maʼni rí maraxtaa má xúʼko̱ gagi

mú ma̱ngaa maraxtaa kámuu.

2. Mú nguáná xóo kuwáanʼ naʼni mingíjyúuʼ

naʼni rí makuwáanʼ ngíná.

Ga̱jma̱a̱ mbaʼa tsingíná dí narígá

naʼni miʼskhoo makuwáanʼlu.

Á mu a̱jkia̱a̱nʼ naxtáa má xúʼko̱ ngíná

atanda̱ʼa̱a̱ mambáyaʼ Dios.

Atraxnuu Ajngá rawunʼ, aratájkáan

ikhaa maxnáaʼ tsiakii ndrígóo.