Lá naxnúlú ikha Ajngá rawunʼ Dios tsejtsí mbiʼi ráʼ.

Dí muraxnuu Biblia tsejtsí mbiʼi, mambáyulúʼ maguaʼdáá mbá fe gujkhuʼ (Col. 2:6, 7). Á mu nandulúʼ dí Ajngáa rawunʼ Jeobá mambáyulúʼ dí xú káʼnii makuwáanʼ, gíʼmaa mundxaʼwamíjna̱ náa xúgíʼ dí naʼthúlúʼ ga̱jma̱a̱ muʼgíʼ muʼni (Heb. 4:12; Sant. 1:22-25). Mu mbuʼyáá xóo gúʼni, náa Josué 1:8 nuxkamaa mbá ajtsú ikhoo rí ma̱ndoo mambáyulúʼ: 1) muraxnuu Biblia mbiʼí mbruʼun; 2) gíʼmaa muríyaʼ mbiʼi mu mundxaʼwamíjna̱lú ga̱jma̱a̱ guʼgíʼ guyáá ndiéjunʼ xtáa rarígá náa eraxnulú; 3) muʼnimi̱jna̱ munimbánii xúgíʼ rí kiʼniraʼmáʼ náa Biblia. Á mu nuʼgíʼ nuʼni ajtsú ikha rígi̱, ma̱ndoo makuwáanʼ májánʼ ga̱jma̱a̱ mbuʼyáá májánʼ ndiéjunʼ gándoo gúʼni mámbá mbiʼi.