BIBLIOTECA NÁA INTERNET Watchtower

BIBLIOTECA NÁA INTERNET

mwb16 abril ináa 3
Araxnún tsiakii eʼwíínʼ ga̱jma̱a̱ ajngáa májánʼ

I̱yi̱i̱ʼ dí najmulú náa reunión Xóo kúwi̱i̱n ga̱jma̱a̱ xóo Etaraʼa Cristianos 2016

mwb16 abril ináa 3

GÍʼDOO NUMUU RÍ NA̱ʼKHA̱ NÁA BIBLIA | JOB 16-20

Araxnún tsiakii eʼwíínʼ ga̱jma̱a̱ ajngáa májánʼ

Índo̱ nuxná xtágabu gíʼmaa muxná tsiakii

16:4, 5

Job xtáa gíná ga̱jma̱a̱ naxmiéjunʼ. Ndiyóoʼ rí mixtambáyii ga̱jma̱a̱ mixná tsiakii.
Nimbáa tsí mbá ajtsúun a̱ngui̱i̱n Job taʼtha ajngáa rí maʼni̱i̱ nímii. Nitháán ajngáa rí niʼni gawúunʼ itháan.

Ajngáa rí niʼthá Bildad katháán niʼni gawúunʼ Job

19:2, 25

Job nindo̱ʼo̱o̱ Dios rí mambáyúu mu ní xáminuʼ, maski ajndu gakañúu.
Job nindxa̱ʼwáminaʼ rí maʼga̱nú magabi̱i̱ ga̱jma̱a̱ niʼngo̱o̱ niwi̱ji̱ jmbu.

Elifaz naʼthúu̱n Job xó má Bildad ga̱jma̱a̱ Zofar nuyaxi

TSÁA ÑAJÚNʼ NITHA RÍ NDUWAʼ NUMUU JOB RÁ.

Elifaz

Mbáa ikhaa xuajñu náa Temán, náa Edom. Náa Jeremías 49:7 naʼthá numuu Temán náa rígá ku̱ma̱ rí guáʼdáá edomita.
Mbáa ikhaa ñajunʼ tsí itháan nikhi̱i̱ ga̱jma̱a̱ tsí gíʼdoo numuu náa xa̱bu̱ bi̱ nita nduwaʼ numuu Job. Elifaz ñajunʼ tsí niʼthá ginii. Nixná mbá ajtsú discursos ga̱jma̱a̱ ra̱ʼkhá tháán mbijua.

Ndiéjunʼ nduwaʼ niʼthe numuu xá.

Niʼthe náa numuu rí Job naxtáa káxi̱ a̱jkiu̱u̱n ga̱jma̱a̱ rí Dios na̱nguá jumuu jaʼñún xa̱bi̱i̱ (Job 4, 5).
Niʼthe rí Job tsítiyuuʼ ga̱jma̱a̱ rí ra̱májánʼ ga̱jma̱a̱ rí tsíʼyamajkhuu Dios (Job 15).
Niʼthé rí Job nandoo magiʼdoo wéñuʼ ga̱jma̱a̱ tséʼni rí jmbu, ga̱jma̱a̱ niʼthe rí nda̱a̱ numún xa̱bu̱ náa Dios (Job 22).

Bildad

Ni̱ʼkha̱ náa Súah. Mbáa nixtáa náa rawunʼ mañu Éufrates.
Ikhaa niʼthí nda̱wa̱á rí niguámbóo Elifaz. Na̱nguá ndijyúuʼ wéñuʼ discursos ndrígóo mú itháan niʼne gawúunʼ Job ki xóo rí niʼthí Elifaz.

Ndiéjunʼ nduwaʼ niʼthe numuu xá.

Niʼthe rí i̱ji̱n Job nixudami̱jna̱ aʼkhá ikha jngó ra̱ʼkhá tháán májánʼ rí xkuaʼnii nigíʼniin ga̱jma̱a̱ niʼthe rí Job tsímiñuu jaʼyoo Dios (Job 8).
Niʼthe rí Job phú ra̱májánʼ (Job 18).
Niʼthe rí manindxa̱ʼ jmbii náa Dios tséjmaa ni xítháan (Job 25).

Zofar

Ninindxu̱u̱ mbáa naamatita, mbáa náa noroeste rí Arabia.
Ikhaa ninindxu̱u̱ tsí riajtsíin bi̱ niʼthí ga̱jma̱a̱ niʼthúu̱n itháan gakhe. I̱ndó a̱jma̱ míʼtsú má niʼthí.

Ndiéjunʼ nduwaʼ niʼthe numuu xá.

Niʼthé rí nda̱a̱ numuu ajngóo Job ga̱jma̱a̱ niʼthúu̱n rí maniñuʼ raʼne aʼkhá (Job 11).
Niʼthé rí Job nindxu̱u̱ ra̱májánʼ ga̱jma̱a̱ rí naxtáa gagi náa aʼkhá (Job 20).