Xú káʼnii eʼyoo Dios guerra rá.

Jeobá nixnúún xa̱bu̱ bi̱ guáʼdiin e̱ji̱n mbá ñajunʼ mba̱a̱ wéñuʼ. Ikhaa nandoo rí marasngúún májánʼ e̱jña̱ʼ ga̱jma̱a̱ rí gíʼmaa matambáñun maʼndún kuyáá Jeobá. Náa a̱jma̱ artículo rígi̱ mambáñun xa̱bu̱ bi̱ guáʼdiin e̱ji̱n rí mbuyaridáá Jesús ga̱jma̱a̱ musngajmún e̱jñún rí nandún kuñún, rí ni̱ndxu̱ún xa̱bu̱ gua̱bi̱nʼ ma̱ngaa rí nakru̱ʼu̱u̱n rí naguaʼnii.

Náa timbá artículo naguanúu kaʼwu rí Jeobá nindxu̱u̱ mbáa Dios bi̱ nandoo kaʼyulúʼ wéñuʼ. Ma̱ngaa naʼthí xú káʼnii nisngájmulú rígi̱. Náa raga̱jma̱ artículo naʼthí xú káʼnii gándoo gusngajma rí nandulúʼ kuʼñúún xa̱bu̱ numbaaʼ gajmiúlú.

Náa artículo na̱ʼkha̱ raʼthí xú káʼnii nitaraʼa mbá ciento tsiguʼ náa majñuʼ Reino ndrígóo Dios. Atayáá tikhuu dí nimbáyulúʼ ga̱jma̱a̱ ndiéjunʼ nijmulú mu muʼtáraʼa. Ma̱ngaa atayáá xú káʼnii niwaʼsngúún xa̱bi̱i̱ Dios xúgíʼ tsiguʼ rígi̱.