Gajmulú folleto Gajmañaʼ rí naʼthí Ajngá rawunʼ Dios mu mugíʼdi̱i̱ muʼtamíjna gajmiúlú xa̱bu̱

1. Ndiéjunʼ imbo̱o̱ nuxi̱ʼ kuaʼdáá mu mambáyulúʼ muʼtáraʼa rá.

¹ Nákha xíkhóó nindrígu folleto nuxi̱ʼ rí mbiʼyuu Gajmañaʼ rí naʼthí Ajngá rawunʼ Dios. Mbáa ndiʼyáá rí kagu̱ mbaʼa texto dí naʼthí mbaʼa tema rí na̱ʼkha̱ náa Biblia, nindxu̱u̱ xó má libro Razonamiento, ikha jngó mambáyulúʼ mugíʼdi̱i̱ muʼtamíjna gajmiúlú xa̱bu̱. Xú káʼnii gándoo gájmulúʼ índo̱ gúʼni ratá presentación mu muʼtáraʼa rá.

2. Xú káʼnii gándoo gájmulúʼ folleto Gajmañaʼ rí naʼthí Ajngá rawunʼ Dios náa nuʼtáraʼa rá.

² Mbá xkri̱da, ma̱ndoo majmaʼ graxe̱ 8 ga̱jma̱a̱ maratha: “Nitamíjná gajmiúxu̱ mbégu̱ʼ bi̱ kuwa náa mijngii xtaa ga̱jma̱a̱ ndu̱ya̱a̱xu rí mbaʼin nuraximijna̱ á mu Dios gíʼdoo aʼkhúun náa xúgíʼ tsingíná dí kuaʼdáá. [Náa tikhuu territorios itháan májánʼ eʼni rí musngajma graxe̱ mbájmbu náa folleto.] Ndiéjunʼ tatsaʼwáminaʼ ikháánʼ rá. [Atatsíñaʼ rí mariʼña̱a̱.] Náa Biblia nariʼña̱a̱ májánʼ”. Nda̱wa̱á ma̱ndoo matraxnuu ga̱jma̱a̱ maratha mbóó o mbaʼa versículos rí na̱ʼkha̱ ikhí. Á mu xa̱bu̱ nandoo maʼdxun dí naratháán, atasngájmáá mbá 20 graxe̱ dí na̱ʼkha̱ náa timbá ináa ndrígóo folleto ga̱jma̱a̱ aratháán rí ma̱ndoo ma̱ta̱ya̱a̱ ga̱jma̱ʼ tikhuu nda̱wa̱á. Ma̱ngaa ma̱ndoo maraxna̱a̱ mbá i̱yi̱i̱ʼ rí najmulú mu muʼsngúún xa̱bu̱ ga̱jma̱a̱ maratha̱a̱n dí na̱ʼkha̱ raʼthí itháan ga̱jma̱a̱ numuu tema dí niguámbala nitamíjná.

3. Xú káʼnii gándoo gájmulúʼ folleto rí nuxi̱ʼ mu mugíʼdi̱i̱ muʼtamíjna gajmiúlú xa̱bu̱ bi̱ nunimbu̱ún náa Dios mú tsénimbu̱ún náa Biblia rá.

³ Graxe̱ 4 ga̱jma̱a̱ 13 asndu 17 ma̱ndoo mambáyulúʼ índo̱ gúʼtaraʼa náa kuwa xa̱bu̱ bi̱ nunimbu̱ún náa Dios mú tsénimbu̱ún náa Biblia. Mbá xkri̱da, ma̱ndoo majmaʼ graxe̱ 17 mu marata̱: “Kúwáanʼxu̱ ruñu̱u̱n mbégu̱ʼ xa̱bu̱ mu mumbáñunxu mbá guʼwíin. Ndu̱ya̱a̱xu dí mámbá mbiʼi nuraʼníí itháan mbaʼa xkujndu. Ndiéjunʼ tatsaʼwáminaʼ ikháánʼ rá. [Atatsíñaʼ rí mariʼña̱a̱.] Mbaʼin xa̱bu̱ bi̱ nidamijná nugíʼ nuni ajngáa rígi̱ dí gíʼdoo numuu: ‹A̱ʼgu̱ gíʼmaa mbaʼyamajkuu wéñuʼ ajmbio̱o̱›. [Tséyóoʼ má maratha̱a̱n dí xtaa ratraxnuu náa Efesios 5:33. Á mu naratámíjná ga̱jma̱ʼ mbáa a̱ʼgu̱, ma̱ndoo maratha̱a̱n dí naʼthí náa Efesios 5:28.] Lá naku̱ma̱ʼ ikháánʼ rí xtágabu rígi̱ ma̱ndoo mambáñun bi̱ nidamijná ráʼ.”

4. Ndiéjunʼ gándoo gátani índo̱ gámbáʼ raratamíjná ga̱jma̱ʼ mbáa xa̱bu̱ bi̱ naʼnimbo̱o̱ náa Dios mú tséʼnimbo̱o̱ náa Biblia rá.

⁴ Índo̱ gámbáʼ raratamíjná ga̱jma̱ʼ xa̱bu̱, aratháán dí matangáanʼ i̱mba̱ mbiʼi mu maratamíjná itháan ga̱jma̱a̱ numuu tema rúʼko̱. Índo̱ gatangaán, ma̱ndoo mbu̱ya̱a̱ imbo̱o̱ versículo dí na̱ʼkha̱ náa graxe̱ rí ndi̱ya̱a̱. Índo̱ gáta̱ya̱a̱ rí ma̱ndoo matani, aratháán xa̱bu̱ rí xtágabu rí niguámbala nitamíjná na̱ʼkha̱ náa Biblia. Asndu guaʼyaa má tema rí nitamíjná ga̱jma̱a̱ dí endxa̱ʼwáminaʼ ga̱jma̱a̱ numuu Biblia, araxná mbá i̱yi̱i̱ʼ rí manigu̱ʼ mbaʼyoo. (Atayáá Nuestro Ministerio del Reino rí diciembre tsiguʼ 2013, ináa 3 asndu 6.)