KÍXNUU 20

Awan dí narígá náa congregación

Edición impresa

Jeobá naniguuʼ marigá májánʼ awan (1 Corintios 14:33). Ikha jngó náa xuajñuu rígá májánʼ awan. Xú káʼnii awan rígá náa nagimbáán rá. Xú káʼnii gándoo gúyambáá mu magajnúu xúgíʼ májánʼ rá.

1. Tsáa phú kayá edxu̱u̱ náa nagimbáánʼ rá.

“Cristo kayá edxu̱u̱ náa nagimbíi̱n” (Efesios 5:23). Jesús nayexi̱ asndu mekhuíí ñajunʼ dí naguma náa xuajñuu Jeobá dí rígá náa xúgíʼ tsu̱du̱u̱ numbaaʼ. Nigíiʼ “ñumbáá jmbii bi̱ májánʼ endxa̱ʼwáminaʼ” bi̱ najmaʼnún xóo Cuerpo Gobernante ikhiin ni̱ndxu̱ún nguéjmi̱i̱n a̱ngiu̱lú bi̱ kuya̱ edxu̱u̱ (atraxnuu Mateo 24:45-47). Xó má nini apóstol ga̱jma̱a̱ bi̱ kuya̱ edxu̱u̱ náa Jerusalén nákha siglo timbá, a̱ngiu̱lú bi̱ Cuerpo Gobernante nuxnún ikha xa̱bi̱i̱ Jeobá náa xúgíʼ numbaaʼ (Hechos 15:2). Mú xa̱bekha bugi̱ na̱nguá ni̱ndxu̱ún bi̱ nutañajunʼ náa organización ndrígúxu̱. Ndu̱ya̱ʼ ikha ndrígóo Jeobá ga̱jma̱a̱ náa Ajngá rawuunʼ ma̱ngaa nunimbu̱ún kuyáá Jesús bi̱ kayá edxu̱u̱.

2. Ndiéjunʼ ñajunʼ eni̱ bi̱ kuya̱ edxu̱u̱ rá.

Bi̱ kuya̱ edxu̱u̱ najmún Biblia mu mumbañún ga̱jma̱a̱ eʼwíinʼ ma̱ngaa nindxúu̱n xóo báxtúu bi̱ nuñawu̱u̱n ga̱jma̱a̱ nuxnún tsiakii bi̱ kúwá náa nagimbáánʼ. Ikhiin na̱nguá e̱nda̱ʼa̱ mbújkha̱a̱ ga̱jma̱a̱ ñajunʼ dí nuni. Ikhiin ‹nuni ga̱jma̱a̱ xúgíʼ a̱jkiu̱ún; ma̱ngaa ragíʼmaa muni numuu dí mudaaʼ mbújkha̱a̱, gíʼmaa muni ga̱jma̱a̱ mbá káxi̱ a̱jkiu̱ún› (1 Pedro 5:1, 2). Bi̱ ni̱ndxu̱ún siervos ministeriales numbañún bi̱ kuya̱ edxu̱u̱, nda̱wa̱á ikhiin índo̱ nunimbánii rí ndayóoʼ, mangiin nanindxu̱ún bi̱ kuya̱ edxu̱u̱.

Bi̱ Cuerpo Gobernante nuraʼwíinʼ tikhun bi̱ kuya̱ edxu̱u̱ mu mani̱ndxu̱ún superintendente de circuito. A̱ngiu̱lú bugi̱ nagún náa mixtiʼkhu congregación mu muxnún ikha ga̱jma̱a̱ muxnún tsiakii bi̱ kúwá ikhí. Ma̱ngaa nuthi tsíin gánindxu̱ún bi̱ mbu̱ya̱ edxu̱u̱ ga̱jma̱a̱ siervos ministeriales, mú ginii nduyáá á mu nunimbánii ikha dí naʼthí náa Biblia (1 Timoteo 3:1-10, 12; Tito 1:5-9).

3. Ndiéjunʼ kaʼyoo maʼni mámbáa xa̱bi̱i̱ Jeobá rá.

Xúgíinʼ bi̱ kúwá náá congregación nuni mba̱a̱ “mbiʼyuu Jeobá” índo̱ nuxuxi̱ ñawún muni̱ comentar náa reunión. Ma̱ngaa índo̱ nutaráʼa, mámbáa eʼni xó má eʼngo̱o̱ (atraxnuu Salmo 148:12, 13).

GAJMAÑAAʼ ITHÁAN

Guʼyáá xú káʼnii eyéjkha edxu̱u̱ Jesús, xú káʼnii eni̱ bi̱ kuya̱ edxu̱u̱ mu mbuyaridáá xkridoo ga̱jma̱a̱ xú káʼnii gándoo gumbáyii Jesús ma̱ngaa bi̱ kuya̱ edxu̱u̱.

4. Jesús nindxu̱u̱ mbáa bi̱ kayá edxu̱u̱ bi̱ naʼni̱i̱ a̱jkia̱a̱nʼ

Jesús naʼthúlú ajngáa rígi̱ dí nagui̱i̱ wéñuʼ. Guraxnuu Mateo 11:28-30 ga̱jma̱a̱ gutamíjnála rígi̱:

Xú káʼnii nindxu̱u̱ Jesús bi̱ kayá edxu̱u̱ rá. Ga̱jma̱a̱ xú káʼnii eyoo makumulúʼ xá.

Xú káʼnii eyaridáá Jesús bi̱ kuya̱ edxu̱u̱ rá. Gu̱ya̱a̱ VIDEO.

VIDEO: Xóo niyambáá bi̱ kuya̱ edxu̱u̱ índo̱ niʼxma náa Nepal (4:56)

Náa Biblia naʼthí kaʼwu xú káʼnii gíʼmaa muni ñajunʼ ndrígu̱ún bi̱ kuya̱ edxu̱u̱.

Guraxnuu Isaías 32:2 ma̱ngaa 1 Pedro 5:1-3 ga̱jma̱a̱ gutamíjnála rígi̱:

Jesús niʼni̱i̱ a̱jkiu̱ún eʼwíinʼ. Xú káʼni eʼni makumaaʼ ikháán índo̱ natayáá rí bi̱ kuya̱ edxu̱u̱ nunimi̱jna̱ muni xúʼko̱ mangiin rá.
Xú káʼni i̱ʼwáʼ nduyaridáá Jesús bi̱ kuya̱ edxu̱u̱ rá.

5. Bi̱ kuya̱ edxu̱u̱ nutaraʼa ga̱jma̱a̱ xkri̱da ndrígu̱ún

Xú káʼnii eyoo Jesús mbuyáá ñajunʼ ndrígu̱ún bi̱ kuya̱ edxu̱u̱ rá. Gu̱ya̱a̱ VIDEO.

VIDEO: Bi̱ kuya̱ edxu̱u̱, ¡ikháanʼ gúni ginii! (7:39)

Jesús niʼthí kaʼwu xú káʼnii gíʼmaa mani̱ndxu̱ún a̱ngiu̱lú bi̱ nuxnulu ikha náa congregación. Guraxnuu Mateo 23:8-12 ga̱jma̱a̱ gutamíjnála rígi̱:

Xú káʼni eʼthí náa Biblia dí gíʼmaa mani̱ndxu̱ún bi̱ kuya̱ edxu̱u̱ rá. Lá naku̱ma̱a̱ʼ rí nunimbánii rúʼko̱ ndxajkun ga̱jma̱a̱ eʼwíinʼ xa̱bu̱ ede̱ náa i̱ʼwáʼ religión ráʼ.

A. Nakujmaa xtiʼkhu ndrígóo mbáa bi̱ kayá edxu̱u̱ bi̱ naʼniminaʼ mambáxu̱u̱ má xúʼko̱ ga̱jma̱a̱ Dios ma̱ngaa bi̱ kúwá náa goʼwóo. 1. Naʼtájkháan ginii nákha xóó tséʼnigájmaa. 2. Ikhaa ga̱jma̱a̱ a̱ʼgiu̱u̱ naʼsngóo ga̱jma̱a̱ numuu Biblia wáxioo.

B. Ikháá má bi̱ kayá edxu̱u̱ na̱jkha̱ ga̱jma̱a̱ a̱ʼgiu̱u̱ guyáá mbáa ndxájulú náa hospital bi̱ kaʼmáaʼ náa xiawóo.

Bi̱ kuya̱ edxu̱u̱ nambájxu̱u̱n májánʼ gajmiún Jeobá ma̱ngaa numbañún bi̱ kúwá náa guʼwún rí xúʼko̱ má gúni mangiin.
Bi̱ kuya̱ edxu̱u̱ nuñewu̱u̱n xúgíinʼ bi̱ kúwá náa congregación.
Bi̱ kuya̱ edxu̱u̱ tséniña̱a̱ rutaraʼa
Bi̱ kuya̱ edxu̱u̱ nusngáa. Ga̱jma̱a̱ nuyambáá náa naguma kaʼwi̱i̱ o i̱ʼwáʼ.

6. Numbaʼñún bi̱ kuya̱ edxu̱u̱

Náa Biblia naʼthí rí gíʼmaa mumbañúún bi̱ kuya̱ edxu̱u̱. Guraxnuu Hebreos 13:17 ga̱jma̱a̱ gutamíjnála rígi̱:

Ndíjkha naʼthí náa Biblia dí gíʼmaa munimbulú rí gúthi bi̱ nuxnulu ikha rá. Lá nakumaaʼ ikháán dí kaʼyoo maʼni xúʼko̱ ráʼ. Náá numuu rá.

Guraxnuu Lucas 16:10 ga̱jma̱a̱ gutamíjnála rígi̱:

Ndíjkha rí gíʼdoo numuu mumbañúún bi̱ kuya̱ edxu̱u̱ maski asndu nakujmaa dí nda̱a̱ wéñuʼ numuu rí nuthi xá.

RÍ NUTHI TIKHUN: “Tséyóoʼ má maraxtaa náa mbá religión mu mbiyamajkuíí Dios”.

Ndíjkha dí májánʼ mbiʼyamajkuíí Dios náa mbá congregación rá.

RÍ NAGÁJNURIYO̱O̱ʼ

Jesús nindxu̱u̱ bi̱ nayéjkha̱ edxu̱u̱ náa congregación. Bi̱ kuya̱ edxu̱u̱ ndayóoʼ munimbu̱ún kuyáá ikhaa, mú ikháanʼlu numbañún ga̱jma̱a̱ xúgíʼ a̱jkiu̱lú bi̱ kuya̱ edxu̱u̱ numuu rí ikhiin nuñe̱wu̱u̱nlú ma̱ngaa nusngulú ga̱jma̱a̱ xkri̱da ndrígu̱ún.