Eliseo naʼthúu̱n bi̱ nambáyúu: “Itháan mbaʼin bi̱ kuwáanʼ gajmiúlú ikháanʼ ki xóo ikhiin” (2Re 6:16).

GÍʼDOO NUMUU RÍ NA̱ʼKHA̱ NÁA BIBLIA

Itháan mbaʼin bi̱ kuwáanʼ gajmiúlú ikháanʼ ki xóo ikhiin

Xa̱bu̱ sia̱nʼ nirugumaʼa̱a̱n Eliseo ga̱jma̱a̱ bi̱ nambáyúu (2Re 6:13, 14; lfb kíxnuu 52 ináa 126 kutriga̱ 2).

Eliseo tamíñuu ga̱jma̱a̱ nixnúu tsiakii bi̱ nambáyúu (2Re 6:15-17; w13 15/8 30 kutriga̱ 2; atayáá xtiʼkhuu rí nakujmaa náa nagi̱ʼdu̱u̱).

Jeobá niʼni mbá milagro mu maʼnikríyaaʼ Eliseo ga̱jma̱a̱ bi̱ nambáyúu (2Re 6:18, 19; it-1 453 kutriga̱ 4).

Jesús gajmíi̱n ángeles bi̱ kúwá mekhuíí kúwá ruyejxi̱ índo̱ policía gajmíi̱n eʼwíinʼ soldados natu̱ʼu̱u̱n náa mijngii kúwá xa̱bu̱. Mbáa Testigo nambáñúún a̱jmi̱i̱n a̱ngiu̱lú matu̱ʼu̱u̱n náa mbá guʼwá.

Jeobá itháan gíʼdoo tsiakii ki xóo xa̱bu̱ sia̱nʼ ndrígúlú. Atatsaʼwáminaʼ dí nandoo natiéjxi náa kúwá ángeles ga̱jma̱a̱ nandoo natayáá xóo ejmiuu ángeles Jeobá mu mañewu̱u̱n xa̱bi̱i̱ bi̱ kúwá náa xuajñuu. Ndiéjunʼ eʼngo̱o̱ natayáá rá.