AJMÚÚ 95
Rí gajkhun ndájaa itháan
(Proverbios 4:18)
1. Asndu nákha kawáá mbiʼi nikuwa
bi̱ nijuiʼthún ndiéjunʼ gárígá.
Mu ma̱ndoo maguma káwáanʼ náa aʼkhá,
ndiyóoʼ rí ma̱ʼkha̱ mbáa mesías.
Mú rí mbiʼi xúgi̱ Jesús nindxu̱u̱ Rey,
Dios niʼtáriyaʼ rí gajkhun.
Ikha jngó rí xúgínʼ bi̱ kuwa mekhuíí
¡nadxúún numuu rí xkawiʼ mambáa!
(ESTRIBILLO)
Xúgi̱, rí gajkhun na̱jkha̱ rájaa,
nduʼyáálu gajkhun rí xúʼko̱.
Jeobá naʼni marigá rígi̱,
kuwáanʼlu májánʼ náa ikhaa.
2. Mú rí mbiʼi xúgi̱, Jesús niraʼwíin
tikhun bi̱ kuwa jmbu náa ikhaa,
ikhiin ni̱ndxu̱ún bi̱ niraʼwíin Dios Jeobá,
bi̱ nuxnulú má xúʼko̱ ikha.
Náa xúgíʼ numbaaʼ nirígá rí gajkhun,
nduʼyáálu rí gajkhun nindxu̱u̱.
¡Jma̱a̱ gagi guxnáa núma̱aʼ Anu̱lú Dios
numuu rí májánʼ dí naxnúlú!
(ESTRIBILLO)
Xúgi̱, rí gajkhun na̱jkha̱ rájaa,
nduʼyáálu gajkhun rí xúʼko̱.
Jeobá naʼni marigá rígi̱,
kuwáanʼlu májánʼ náa ikhaa.
(Atayáá ma̱ngaa Rom. 8:22; 1 Cor. 2:10; 1 Ped. 1:12).