RÍ GÁTANI MU XÁXMIÉJUANʼ WÉÑUʼ
Lá naku̱ma̱ʼ rí naxmiéjuanʼ ráʼ.
“Xúgiáanʼ nakumulú rí naxmiéjunlú, mú ikhúúnʼ itháan naxmiéjunʼ. Raʼkháa i̱ndó ga̱jma̱a̱ numuu mbá xkujndu gakhi̱i̱, rígá mbaʼa rí naʼni maxmiéjunʼ. Ma̱ngaa, mba̱yu̱u̱ʼ tsiguʼ má rí xtáá rañewu̱u̱n ajmbioʼ. Ikhaa naʼkui̱i̱ wéñuʼ” (Julia).a
“A̱ʼgiu̱ʼ niniñuʼ, ikhú ndiyóoʼ manimbanuu mbáwun e̱ji̱nʼ. Rígi̱ niʼniuʼ gakhi̱i̱ wéñuʼ. Ma̱ngaa nánguá nigúʼdoo ñajunʼ, ní má mbújkha̱a̱ mu mani̱i̱ carriuʼ. Nánguá ndi̱yo̱o̱ rí mani. Nánguá eʼngoʼ numuu rí naxmiéjunʼ wéñuʼ. Ndi̱yo̱o̱ rí á mu naxíyaminaʼ raʼkhí gánindxu̱u̱, ikha jngó nitakáñuu wéñuʼ Dios mu maniñuʼ makhañúʼ” (Barry).
Mbáa mangáán nakuma̱a̱ʼ rí nánguá kaʼnii maʼngaaʼ xó má Julia ga̱jma̱a̱ Barry. Á mu xúʼko̱, revista rígi̱ mambáyaʼ wéñuʼ ga̱jma̱a̱ maʼni̱i̱ a̱jkia̱nʼ, numuu rí naʼthí náá numuu rí naxmiéjunlú, xóo eʼniulú ga̱jma̱a̱ dí gándoo mu̱ʼni̱ mu maʼngulú muraʼníí.
a Nixtiʼkhu̱u̱ mbiʼñún.