RÍ GÁTANI MU XÁXMIÉJUANʼ WÉÑUʼ
Ma̱ndoo mu̱ʼni̱ rí xáxmiéjunlú
Ku̱ma̱ rí na̱ʼkha̱ náa Biblia mambáyulú mu xáxmiéjunlú wéñuʼ. Ikháanʼ xájmáanʼ mu̱ʼni̱ gámbáa xúgíʼ rí naʼni maxmiéjunlú, mú bi̱ Niʼniwáanʼ ma̱ndoo maʼni. Ikhaa ndiyáaʼ má Jesucristo mu mambáyulúʼ. Inu má rí Jesús maʼni rí mitsaanʼ náa Ku̱ba̱ʼ ki xóo rí niʼni nákha nixtáa náa tsu̱du̱u̱ Ku̱ba̱ʼ. Guʼyáá tikhuu.
JESÚS MAʼNI TANÚN BI̱ NAʼNIÚN NANDII
“Niguwáʼ kudiin xúgínʼ bi̱ niguáʼdáá nandii ga̱jma̱a̱ [...] ikhaa niʼni thanún” (MATEO 4:24).
JESÚS MAXNÚLÚ XÚGIÁANʼ MBÁ GUʼWÁ GA̱JMA̱A̱ GANITSU
“Muni guʼwá, ga̱jma̱a̱ makuwáanʼ ikhí; mudula ixi̱ uva ga̱jma̱a̱ muphula xndúu. Xúni̱ guʼwá mu eʼwíinʼ majmúún, xúdu mu eʼwíinʼ muphu̱” (ISAÍAS 65:21, 22).
JESÚS MAʼNGO̱O̱ MAʼNI RÍ MARIGÁ RÍ TSIMAÁ NÁA TSU̱DU̱U̱ NUMBAAʼ
“Mbiʼi rúʼko̱ makuwá mbaʼin xa̱bu̱ bi̱ muni rí jmbu, ga̱jma̱a̱ marigá wéñuʼ rí tsímáá numuu rí gu̱nʼ maʼga̱nú maxtáa kámuu mbiʼi. Ikhaa maʼtáñajuunʼ náa xúgíʼ lamáa ga̱jma̱a̱ asndu náa Mañu asndu náa námbárigo̱o̱ ku̱ba̱ʼ [...] ga̱jma̱a̱ xa̱bu̱ bi̱ guáʼdaa sia̱nʼ muxtííʼ yujndaʼ” (SALMO 72:7-9).
JESÚS MAʼNI GÁMBÓO DÍ RA̱MÁJÁNʼ
“Magáwiinʼ a̱jkiu̱u̱n kaʼyoo xa̱bu̱ guabaaʼ ga̱jma̱a̱ bi̱ migínáa, mangiin bi̱ migíníi maʼni makuwíin. Maʼni káwíin náa rí najma gíníi ga̱jma̱a̱ náa rí najuixnún” (SALMO 72:13, 14).
JESÚS MAʼNI GÁMBÓO RÍ NAʼNI MUMIʼNÍʼ GA̱JMA̱A̱ RÍ NAKHÁÑULÚ
“Ní xákháñún itháan, ní xarígá tsingíná, ni xtambiyaʼ asndu má gaʼkhu” (APOCALIPSIS 21:4).