KÍXNUU 1

Xóo phú gíʼmaa magi̱ʼdu̱u̱

Hechos 17:22

RÍ NAGÁJNURIYOʼ: Xóo gátagíʼdi̱i̱ maratha gíʼmaa rí maxkajxi̱i̱ a̱jkiu̱ún bi̱ gúdxawanʼ, matasnga̱jmá rí kayá edxu̱u̱, ga̱jma̱a̱ rí maratha ndíjkha rí gíʼdoo wéñuʼ numuu tema rúʼko̱ náa bi̱ kuwa rudxawanʼ.

XÚ KAʼNII GÁTANI:

Ataxkajxi̱i̱ a̱jkiu̱ún mu mudxawanʼ: Atraʼwíí mbá graxe̱ rí majmaʼ, mbá experiencia rí gajkhun nirígá, o mbá noticia rí maxkajxi̱i̱ a̱jkiu̱ún bi̱ kuwa ikhí.

Atatsaʼwáminaʼ wapháá ga̱jma̱a̱ tsumáá ndiéjunʼ rí gaxkajxi̱i̱ a̱jkiu̱ún ga̱jma̱a̱ ndiéjunʼ eʼni maxmiéjunʼ bi̱ gúdxawanʼ, ga̱jma̱a̱ rúʼko̱ gárata índo̱ gátagíʼdi̱i̱.
Atayáá tema ndrígáʼ. Atayáá májánʼ xóo gátagíʼdi̱i̱ maratha, mu maguanúu kaʼwu tema dí gárata ga̱jma̱a̱ xú káʼnii gándoo mambáñun bi̱ gúdxawanʼ.
Atasngájma ndíjkha jngó rí gíʼdoo wéñuʼ numuu rí kayá edxu̱u̱. Atayáá ndiéjunʼ rí phú eñúnʼ bi̱ kuwa ikhí. Gíʼmaa makru̱ʼu̱u̱n kaʼwu xú káʼnii gambáñun náa vida ndrígu̱ún dí kayá edxu̱u̱.

Índo̱ xtaa ratani̱ ratáá mbá discurso, ginii atraxi̱mínáʼ: “Ndiéjunʼ xkujndu eraʼníí a̱ngui̱nʼ náa congregación ndrígóʼ rá.” Nda̱wa̱á gajmaaʼ rúʼko̱ mu matagíʼdi̱i̱ maratha rí ikhiin eñúnʼ.