KÍXNUU 15

Arathá rí phú eku̱ma̱ʼ

1 Tesalonicenses 1:5

RÍ NAGÁJNURIYOʼ: Atasngájma rí natanimbaaʼ rí gajkhun ga̱jma̱a̱ rí gíʼdoo numuu rí xtaa raratá.

Atani̱rataminaʼ itháan májánʼ. Atanigajmaa̱ asndu makruaʼaʼ májánʼ dí itháan e̱ʼkha̱ raʼthí náa Biblia. Atagíminaʼ maratha itháan dí e̱ʼkha̱ raʼthí ga̱jma̱a̱ ajngáa dí ra̱mingíjyúuʼ ga̱jma̱a̱ xárata wéñuʼ mu ma̱ndoo makru̱ʼu̱u̱n bi̱ xtaa raratún. Atatsaʼwáminaʼ xú káʼnii gándoo gambáñun bi̱ kuwa rudxawanʼ. Atanda̱ʼa̱ xi̱ʼ kaʼwu mu mambáyaʼ.

Atani̱rataminaʼ ga̱jma̱a̱ aʼwá gakhi̱i̱ mu ma̱ndoo magida̱ʼ kaʼwu náa edxa̱ʼ ajngáa dí gárata mu magajnúu májánʼ dí garaxnaxí.
Gajmaaʼ ajngáa rí nasngájma rí phú eku̱ma̱ʼ. Xárata kikháá ajngáa dí niratá má, arathá ajngáa rí naku̱ma̱ʼ. Gajmaaʼ ajngáa rí nasngájma rí gajkhun nindxu̱u̱ dí xtaa raratá.
Atasngájma ga̱jma̱a̱ arathá rí gajkhun nindxu̱u̱. Arathá gakhi̱i̱. Mú xátani magawúúnʼ, ataxúxi̱ edxa̱ʼ matañu̱u̱n bi̱ xtaa raratún.

Xámbumaʼ maratha rí phú naku̱ma̱ʼ ga̱jma̱a̱ rí xátañu̱u̱n bi̱ kuwa ikhí. Índo̱ gárata dí gajkhun, arathún bi̱ kuwa rudxawanʼ ga̱jma̱a̱ ajngáa gua̱ba̱ʼ.