Xóo gátani̱ mu matanigajma̱a̱ itháán májánʼ

Lá nanigua̱a̱ʼ mataʼgíʼ májánʼ edxa̱a̱ʼ índo̱ natanigajma̱a̱ ráʼ. Rí na̱ʼkha̱ raʼthí agoo gi̱i̱ ma̱ndoo mambáyáaʼ.

• Atayáʼ náa nda̱a̱ rí maʼni xkájkia̱a̱nʼ. Atraʼwíí matanigajma̱a̱ náa wíí kraʼa ga̱jma̱a̱ náa rígá aguʼ. Ma̱ndoo maraʼun náa mbá mesa o ma̱ndoo matanigajma̱a̱ náa rexa̱a̱ mu atayáá rí xáʼni xkájkia̱a̱nʼ.

• Atayáʼ náa ma̱ndoo maraxtaa mbáwíín. Xó má niʼni Jesús índo̱ naʼtájkháan “ni̱jkha̱ gáyáʼ náa maxtáa mbáwíí ga̱jma̱a̱ ikhí niʼtájkáan” (Mar. 1:35). Á mu naʼni gakhi̱i̱ dí maraxtaa mbáwíín, ma̱ndoo marathu̱u̱n bi̱ xtaa gajmiáanʼ dí xúthaan hora rúʼko̱.

• Xátani jngarigamínáʼ. Á mu najmaaʼ celular o tableta mu matanigajma̱a̱, ma̱ndoo matagíʼma modo avión mu xáʼkhanú mensaje. Á mu índo̱ xtaa natanigajma̱a̱, narmáʼáan a̱jkia̱a̱nʼ dí ndayóoʼ matani̱, ataniraʼmáʼ mu matani̱ nda̱wa̱á índo̱ gáwámbáa matanigajma̱a̱. Á mu naʼniaaʼ gakhii matagíʼ edxa̱a̱ʼ dí xtaa ratanigajma̱a̱, ma̱ndoo matatsiʼñáán mbáxngaa, ayuʼ kruíga̱a̱ o ataxúmáa itsáaʼ.