Ndiéjunʼ gúʼni mu marmáʼáan a̱jkiu̱lú texto ndrígóo Biblia rá.

Ndiéjunʼ texto rí ikháán nanigua̱a̱ʼ rá. Mbáa rígá mbaʼa, xóo dí naʼni̱i̱ a̱jkia̱a̱nʼ ga̱jma̱a̱ dí naxnáa tsiaki̱i̱, i̱mba̱ dí nambáyáaʼ mu ní xátatsaʼwamínáʼ dí raʼkhí o mbá rí nanigua̱a̱ʼ marathu̱u̱n eʼwíinʼ (Sal. 119:​11, 111). Mú mbáa nguáná naʼniaaʼ gakhi̱i̱ marmáʼáan a̱jkia̱a̱nʼ ndiéjunʼ eʼthí o náa mínaaʼ eʼthí. Guʼyáá tikhu ikha rí ma̱ndoo mambáyulúʼ.

• Gajmaaʼ etiquetas dí na̱ʼkha̱ náa JW Library^®. Á mu índo̱ natraʼxnuu Biblia náa aplicación nataxkamaa mbá texto rí nandaaʼ marmáʼáan a̱jkia̱a̱nʼ, atagíʼma mbá etiqueta dí maʼthí rí nindxu̱u̱ “texto rí nanigua̱a̱ʼ”.

• Atagíʼma pa̱jnu texto náa ma̱ndoo matayaa. Tikhuun a̱ngiu̱lú nuniraʼmáʼ mbá versículo náa mbá i̱yi̱i̱ʼ ga̱jma̱a̱ nda̱wa̱á nugiʼma náa niwanʼ o náa refri. Eʼwíinʼ nuríyaʼ fotiuu mbá texto ga̱jma̱a̱ nda̱wa̱á nugiʼma xóo fondo de pantalla náa celular o náa computadora ndrígún.

• Atani̱ tarjeta mu magida̱ʼ edxa̱a̱ʼ. Náa mbá inuu tarjeta ataniraʼmáʼ texto ga̱jma̱a̱ náa kidxuuʼ ataniraʼmáʼ dí naʼthí náa awúu̱n texto rúʼko̱. Nda̱wa̱á atayáá inuu tarjeta ga̱jma̱a̱ ataniminaʼ marmáʼáan a̱jkia̱a̱nʼ dí eʼthí kidxuuʼ.