Nandii dí naku̱mu̱u̱ náa ngáñúúʼ jiámá ga̱jma̱a̱ wa̱ʼxa̱ʼ na̱jkha̱ rajoo itháán | Ndiéjunʼ eʼthí náa Biblia rá.

Nákha lunes 13 ñajunʼ gu̱nʼ febrero tsiguʼ 2023, Centro para el Control y Prevención de Enfermedades (CDC) dí rígá náa Estados Unidos, niʼthí ga̱jma̱a̱ numuu rí naʼni maxmiéjúúnʼ jiámá ga̱jma̱a̱ wa̱ʼxa̱ʼ bi̱ kúwá náa país rúʼko. Niʼthí rí itháán dí 40 por ciento e̱ji̱n bi̱ nuniga̱jma̱a̱ náa escuela preparatoria najmún ga̱jma̱a̱ nda̱a̱ rí kua̱ʼthi̱i̱n.

Doctora Kathleen Ethier, bi̱ nindxu̱u̱ director náa División de Salud Adolescente y Escolar de los CDC (DASH) niʼthí: “Náa rí mbá gu̱wa̱ʼ tsiguʼ rígi̱, ndiya̱a̱xu rí mañu mañúú ni̱jkha̱ rachúu xóo endxaʼwamíjna̱ jiámá ga̱jma̱a̱ wa̱ʼxa̱ʼ”. Ma̱ngaa niʼthí: “Xóo ni̱jkha̱ rachúu rí nundxa̱ʼwa̱míjna̱ ga̱jma̱a̱ rí nandún muradimijná, rí xúgi̱ nindxu̱ún itháán mbaʼin ki xóo nákha ginii.

Rígi̱ dí niʼthí náa informe:

Náa rí mbá gu̱wi̱i̱nʼ jiámá o wa̱ʼxa̱ʼ xtáa mbáa o itháan (14 %), bi̱ nijmatsudiin dí mubúúnʼ gajmiún eʼwíinʼ maski ajndu ikhiin tsíñún. Rígi̱ naʼni dí maxmiéjunlú niʼthí Doctora Ethier. “Náa rí mbá gu̱wi̱i̱nʼ dí ikhiin ma̱ta̱ya̱a̱ tsiaki̱i̱ mbáa di niguma violar”.
Náa rí mbá ajtsíin jiámá o wa̱ʼxa̱ʼ maxtáa mbáa o (30 %) bi̱ gajkhun nindoo maxíyaminaʼ.
Náa mbá witsiin wa̱ʼxa̱ʼ kúwíin mbá ajtsíin dí ikhiin o (57 %) bi̱ najmún wéñuʼ ga̱jma̱a̱ nda̱a̱ rí kua̱ʼthi̱i̱n.

Índo̱ nduʼyáá rígi̱, gíná wéñuʼ nindxu̱u̱. Numuu rí índo̱ mbáa káʼníí nindxu̱u̱ dxa̱ma̱á ga̱jma̱a̱ dxa̱ʼgu̱ú gíʼmaa rí maxtáa gagi ga̱jma̱a̱ tsímáá. Mú ndiéjunʼ gándoo gámbañún jiámá ga̱jma̱a̱ wa̱ʼxa̱ʼ mu maʼngu̱u̱n muraʼníí xkujndu rí mbiʼi xúgi̱ rá. Ndiéjunʼ eʼthí náa Biblia rá.

Náa Biblia na̱ʼkha̱ rí ma̱ndoo mambáñún Jiámá ga̱jma̱a̱ wa̱ʼxa̱ʼ

Náa Biblia naʼthí dí xúʼko̱ má gárígá dí mbiʼi xúgi̱, ga̱jma̱a̱ naʼthí rí “maʼni gakhi̱i̱ ga̱jma̱a̱ maʼni mingíjyúuʼ rí maʼngulú” (2 Timoteo 3:1-5) Ma̱ngaa náa Biblia naʼthí consejo rí mambáñún mbaʼin wéñuʼ jiámá ga̱jma̱a̱ wa̱ʼxa̱ʼ mu xúʼko̱ maʼngu̱u̱n muraʼníí gamiéjunʼ xóo rígi̱. Atayáá artículo rígi̱ dí nigájnuu náa Biblia.

Rí mambáñún jiámá ga̱jma̱a̱ wa̱ʼxa̱ʼ bi̱ nandún muradimijná

Rí mambáñún jiámá ga̱jma̱a̱ wa̱ʼxa̱ʼ bi̱ kúwá ngíná o nundxa̱ʼwa̱míjna̱ dí tséjmaa

Rí mambáñún jiámá ga̱jma̱a̱ wa̱ʼxa̱ʼ bi̱ nutsijmiin o ciberacoso

¿Y si mis compañeros me acosan o se burlan de mí?
¿Cómo puedo defenderme del ciberacoso?
Xú gátambáyuminaʼ rí asndu xátanigawíínʼ nimbáa (Dibujo dí naʼsngáa)

Rí mambáñún jiámá ga̱jma̱a̱ wa̱ʼxa̱ʼ bi̱ nutsudiin rí mubúúnʼ gajmiún

Náa Biblia na̱ʼkha̱ consejo rí ma̱ndoo mambáñún xabuanii

Náa Biblia ma̱ngaa na̱ʼkha̱ consejo rí mambáñún xabuanii mu xúʼko̱ ma̱ndoo mumbañún e̱jñu̱ún muraʼníí xkujndu. Atayáá artículo rígi̱ dí nigájnuu náa Biblia.