Wiskain Ded Blo Zizas Go Elpe Yu?

Zizas bin ded sole yumi ken kese laip. Zon 3:16

Tri dei apta Zizas bin ded, sam oman bi go po em greib wea dat keib, bat da keib i empti. Zeoba bin meke Zizas kamlaipgen.

Zizas bin go po luk aposil blo em.

Wa, Zeoba bin meke Zizas kamlaipgen ane meke em wan prapa strong einzel antap eben. Em nomo go sabe ded nau. Ol klostupren blo Zizas bin lukem go antap eben.

God meke Zizas kamlaipgen ane meke em King lo Kingdom blo God. Rebaleisan 11:15

Zizas bin gibe laip blo em po pei sin blo ol pipol. (Matiu 20:28) Bikoz Zizas bin meke disting, God meke wei sole yumi ken kese longlaip poeba.

Zeoba bi suze Zizas po kam King po ruloba ert. I go gad 144,000 pipol uda bin klostu po God ane God go weikemap dempla prom ded po rul prom antap eben. Zizas ane dem 144,000 meke wan stret ane rait gabman​—Kingdom blo God.​—Rebaleisan 14:1-3.

Kingdom blo God go meke wold kam paradais. I nomo go gad woa, o pipol uda meke trabol, o eni poa pipol ane nobodi go anggre. Pipol gobi obamak api. —2 Pita 3:13.