Wanem Da Wei Po Kese Api Pamle Laip?
Wiswei, yu tingk . . .
i lab?
i mani?
o wanem yu tingk?
WANEM BAIBOL I SPIK
“. . . ol dem pipol uda bin lisen da mesiz blo God ane pole em, dempla gobi obamak glad.”—Luk 11:28, Baibol – Tores Streit Yumplatok.
WANEM I MIN PO YU
Yu go paine prapa lab.—Leta po Episis 5:28, 29.
Yu go prapa gede rispekt.—Leta po Episis 5:33.
Yu go kese pis ane tras.—Mak 10:6-9.
KEN YUMPLA PRAPA BILIB WANEM BAIBOL I SPIK?
Wa, i gad tu gud rizen:
God bin stat da pamle de pas. Baibol i spik dat Zeoba God bin zoine da pas man ane oman tugeda po maret. (Zenasis 2:18-24) I min dat, mipla gad pamle bikoz Zeoba bin mekem de pas. Diswan impotin. Yu sabe wai?
Ip yu bin kaikai wan nais dina ane yu bin wande sabe wanem insaid da kaikai, uda yu go aks? I meke gudsens po akse da wan uda bin meke dat kaikai.
I seimwei, ip mipla wande sabe wanem go meke pamle laip blo wi api, mipla mas luk po Zeoba, uda bin stat pamle de pas.
God mina lugaut yu. I meke gudsens po ol pamle po luk po waizwei blo Zeoba. I kam prom Baibol. Wanem po? “Bikoz em lugaut yupla.” (Leta 1 po Pita 5:6, 7) Wanem i bes po yu i mina prant wea Zeoba – ane em waizwei i wok ebritaim!—Zemes 1:5, 25.
SAMTING PO TINGBAUT
Wiskain yu ken bi wan gud maretman, maretoman o papa ane ama?
Baibol gibe yumpla da ansa ya lo LETA PO EPISIS 5:1, 2 ane LETA PO KOLOSI 3:18-21.