Wanem yu go du?

50 Yu wanem stap po gud weya nais ples o paradise?

Dempla lane mo wanem God e spik. Trai po lane po rid Baibol.—John 17:3; Revelation 1:3

51 Lane mo bout Zizas.—Deuteronomy 18:18, 19; John 3:16; Acts 3:19-23

52 Trai po meke gud ting ane lesen po Zeoba.—Romans 6:17, 18, 22

53 Yu tink nau. Zeoba bin spik wi kan kile pipel.—Exodus 20:13; 1 John 3:11, 12

54 Wi mus no teke ting blong nada pipel.—Exodus 20:15; Ephesians 4:28

55 Man mus no stap ane slip lo gel wen em no maret dat gel.—Exodus 20:14, 17; 1 Thessalonians 4:3

56 Yu sabe namba oman God e lau man po gad? Au long sud man ane oman stap tugeda?—Genesis 2:22, 24; Matthew 19:5, 6; 1 Corinthians 7:2, 10, 11

57 Yu tink nau, uda wi mas wosip? Oni Zeoba.—Matthew 4:10; 1 Corinthians 8:6

58 Aidol kan elpe yumi. Wasmara?—1 Corinthians 8:4

E gud po gad aidols?—Deuteronomy 27:15; 1 John 5:21

59 Wasmara e bad po yuze gudluck ting?—Deuteronomy 18:10-13; Revelation 21:8

60 Dempla nogud angel or debol ol enemi blong God. Dempla yuzi midthman po geman ol pipel.—Acts 16:16

61 Yumi mas amen po God. Amen min po tok po God. Yumi spik po em wi wande sebe em ane po akse em po elpe.—Philippians 4:6, 7

62 Yumi mas tekenotes Zizas ane bilib ene em.—Hebrews 5:9; John 3:16

63 Yu tink nau, Zizas bin paswei po seibe yumi.—Romans 5:8

64 Yu tink nau, Zizas em ebenly King blong yumi. Wi mas tekenotes em.—Philippians 2:9-11; Revelation 19:16

65 Zizas bin spik yu sud tok po nada pipel baut dem gud ting yu bin lane ane dat dempla uda wande sebe God sud bi baptaiz.—Matthew 28:19, 20; John 4:7-15

66 Yu kin tok po ol pren blo yu baut dem gud ting yu bin lane.—Matthew 10:32

67 Ip yu lane po rid prapa yu kin lane plenti mo gud ting. Yu kin elpe nada pipel mina gud.—2 Timothy 2:15

68 Zizas bin lane ol smol piknini po lesen po God. Em no bin tu bizi po tok po dempla.—Matthew 19:13-15

69 Mama ane Papa mas ebritaim lane piknini blo dempla po lesen ane lab God.—Deuteronomy 6:6, 7; Proverbs 6:20-22; Ephesians 6:4

70 E gad nadakain plenti amen aus. Plenti dempla no lane prom Baibol. Zeoba spik yumi po kamaute prom dem amen aus uda no lane tru ting.—Revelation 18:4; John 4:23, 24

71 Zeoba gad pipel ya weya dis wol uda kin lane yu baut em. Yu sabe uda dempla?—Acts 15:14; Romans 10:14, 15

72 Dempla ol Zeoba Witnesses. Dempla ol pispul pipel. Wasmara? Bikos dempla lab wananada.—Isaiah 43:10-12; John 13:34, 35

73 Bikos dempla lab Zeoba tu, dempla bin baptaiz. Wenyu baptaiz e so ebribodi yu bin libi dat bad laip blong yu ane yu wande spende laip blong yu po sebe God.—Acts 2:41

74 Zeoba Witnesses prapa wande po stap blo beautipul nyu paradise.—Psalm 37:9-11, 29

Wanem yu go du po stap deya weya dempla?—James 1:22, 25; 2:20-26

75 Zoinap weya Zeoba Witnesses po lan baut Zeoba. Dempla lab ane lesen po Zeoba ane Zizas Krais. Yu wande lab Zeoba ane Zizas? Yu wande elpe ol nada pipel po sabe Zeoba?—John 6:45-47

76 Zeoba ane Krais Zizas lab yu ane wande yu po stap po gud lo dis beautipul paradise ya lo wol.—John 3:16

Wanem yu bin lane prom luk dem piksa ane ridem ya long dis Baibol Buklet, mas meke yu po wande stap lo da paradise po gud—au! Ip yu wande lane mo yu kin tok po Zeoba Witnesses klostun yu. O yu kin raite leta o gede sambodi po raite leta po yu ane sane em po da address lo peiz tu blo dis buklet.