• Wiskain Laip Bin Stat?
    Kese Apilaip Poeba!—Baibol Stadi Po Yu

    • 3. Wanem meke pipol dipren prom animal?

      Apta Zeoba bin meke da ert, em bin meke ol laip wea ert. Pas ting em bin mekem wea ert, i olkain plant ane olkain animal. Den, “God i bin meke ol pipol wea seimkain imiz wase em.” (Rid Zenasis 1:27.) Wanem meke pipol dipren prom animal? God bin meke pipol lo imiz blo em, dasmin yumpla ken soe dem seimkain pasin blo God, po soe lab ane peawei. Nada samting tu, em bin meke yumi sole wi ken lane dipren langus, gede api piling prom atwok, ane enzoi miusik. So, animal i dipren prom pipol, bikoz yumi ken wosip God ane kam pren blo em.

  • Wiskain Laip Bin Stat?
    Kese Apilaip Poeba!—Baibol Stadi Po Yu

    • 5. Wen Baibol tokbaut wiskain laip bin stat, i gad gud rizan po bilibem

      Lo Zenasis sapta 1, da Baibol tokbaut wiskain ert ane laip bin stat pas. Ken yu tras wanem i spik, o i laia stori? Plei da BIDYO, ane tokbaut dem kwestin ya.

      BIDYO: Wea ol Sta, Speis ane Ert Kam Prom?​—Smol Pat (3:51)

      Piksa: Piksa prom bidyo ‘Wea Sta, Speis Ane Ert Kam Prom?—Sot Wan.’ 1. Dem siks dei wen laip bin stat lo ert. 2. Dei siks blo ert wen i gad san, lan, wata, plant, pizin, animal blo lan, ane pipol.

      • Wiswei, Baibol i tise ert ane laip antap lo ert, bin apen mata lo siks dei a?

      • Wiswei, wen Baibol tokbaut wiskain laip bin stat, yu tingk i meke sens po bilibem a? Aukam?

      Rid Zenasis 1:1, ane tokbaut dis kwestin ya:

      • Pipol uda stadi Saiens spik ert ane speis i bin gad stat tu. Yu tingk wanem dempla spik, i lainap wea demting yu bin rid de lo Baibol?

      Sam pipol tingk God bin state laip wea wan mina smol samting pas, den God bin libe dat smolting po kam olkain pis, animal ane man, so ol tingk God no bin teke pat po meke demting. Rid Zenasis 1:21, 25, 27, ane tokbaut dem kwestin ya:

      • Wiswei, Baibol i tis God bin state laip wea wan mina smol samting pas, ane den God bin libem a? O em bin meke “olkain” dipren laipsamting?