Ai Redi a?
Ai Redi po Meke Amenwok Tugeda Wea da Kongrigeisin?
Ip yu no baptaiz yet, yu maitbi redi po meke amenwok ip yu . . .
Stadi Baibol ebridei, oltaim prea, ane gopo ebri amenmiting.
Bilib ane lab wanem yu bin lan, ane wande serem wea ol nada pipol.
Labe Zeoba ane suze ol klostupren uda labe em tu.
Bin kamaut prom eni politik samting ane tekemaut neim blo yu prom insaid rekod blo eni laia rilizan wea yu bin zoinem bipo.
Pole lo ane wei blo Zeoba wea laip, ane wande bi wan Zeoba Witnis.
Ip yu tingk yu redi po meke amenwok tugeda wea da kongrigeisin, Baibol tisa blo yu go meke plan sole yu ken mite dem elda, po tokbaut wiskain yu ken bi pit po mekem.
Ai Redi po Gede Baptaiz?
Yu maitbi redi po gede baptaiz ip yu . . .
No baptaiz yet, bat olredi meke amenwok.
Oltaim gibe taim blo yu po meke amenwok.
Sapot da “waiz sleib wea i prapa trasem” ane pole wanem ol spik.—Matiu 24:45-47.
Bin meke dat wan mina spesil prea po Zeoba ane promis yu wande wosip em poeba.
Ip yu tingk yu redi po gede baptaiz, Baibol tisa blo yu go meke plan sole yu ken mite dem elda, po tokbaut wiskain yu ken bi pit po mekem.