LESEN 42
Wanem Baibol Spikbaut Maretlaip ane Singgel Laip?
Lo sam kaltia, pipol bilib dat samwan mas maret pas, den ol gobi api. Bat, no ebri maret pipol i api, ane no ebri pipol uda no maret, i stap sorewan. Wa, da Baibol soe maretlaip, ane demwan uda singgel, i gudsamting.
1. Demwan uda singgel ken kese wanem blesing?
Da Baibol spik: “Da wan uda maret i orait po em po maret ane da wan uda no maret i mobeta po em po no maret.” (Rid 1 Korint 7:32, 33, 38.) Lo wiskain wei i gobi “mobeta” po da wan uda no maret? Wel, ol singgel Kristian no nid po woribaut sambodi po lukapta. Wa, dempla i pri po meke wanem ol wandem. Sam meke ol diprenkain samting wea amenwok, wase mub gopo nada ples po pris. Moden dat, dempla ken spene mo taim po kam moklostu po Zeoba.
2. Demwan uda maret, prapawei wea lo, ken kese wanem blesing?
Maretlaip ken bi gud tu, seimkain wase singgel laip. Da Baibol spik “tu i mobeta den wan.” (Iklaziastis 4:9) Wa, i ken apen diskain wen ol Kristian yuze Baibol skripsa insaid maretlaip blo demtu. Ip tu pipol maret wea gabman lo, demtu promis po lab, rispekt, ane kea po wananada. So demtu go wande kiptru po wananada, moden pipol uda kasa stap tugeda. Maretlaip go meke pamle strong ane pikinini go pil seip tu.
3. Wanem Zeoba tingbaut maretlaip?
Wen Zeoba bin zoine dem pas tu pipol po maret, em bi spik: “Man i go libe papa ane mama blo em ane mata stap klostu wea oman blo em.” (Zenasis 2:24) Zeoba wande maretman ane maretoman po lab ane mata stap klostu po wananada po gud. Em laue dibos, po mata wan rizan. Wen wan prom demtu slipraun, diswan broke maretlo. Wen diskainting i apen, Zeoba laue da wan uda no bi meke rong, po suz ip em wande gede dibos, o pogib.a (Matiu 19:9) Wen Zeoba bin meke maretlo de pas, em bin zoine wan man ane wan oman. Apta, Zizas bin sapot dis lo. (Matiu 19:4-6) So, ol Kristian uda maret nau, no lau po kipe moden wan maretmet.
TINGBAUT MO NAU
Lan wiskain yu ken bi api—ane meke Zeoba api—nomata yu maret o singgel.
4. Yuze singgel laip po meke gudsamting
Zizas bin spik i orait ip sam pipol no maret. (Matiu 19:11, 12) Rid Matiu 4:23, ane tokbaut dis kwestin ya:
Wanem Zizas bin pri po mekem po em Papa ane po nada pipol, bikoz em no bin maret?
Kristian pipol uda no maret ken pil mina api, wen ol yuze laip blo dempla seimkainwei wase Zizas bin mekem. Plei da BIDYO, den tokbaut dis kwestin ya.
Lo wiskain wei ken ol singgel Kristian yuze laip blo dempla ane kese plenti blesing?
Yu bin sabe a?
Da Baibol no gibe da eiz po maret. Bat, i inkariz sambodi po weit lelbet pas, bikoz i ken bi ad po yangpipol po suz wanem da raitwei, wen em gad ol strongpiling insaid ane “em kan kontrol emselp.”—1 Korint 7:36.
5. Teke taim po suze uda yu go maret
Wen i kam po suze sambodi po maret, i mina impotant uda yu suzem. Rid Matiu 19:4-6, 9, ane tokbaut dis kwestin ya:
Aukam wan Kristian mas no ariap po maret?
Da Baibol ken elpe yu sabe wanem pasin po luk po, wen yu suze sambodi po maret. I mina impotant po maret sambodi uda labe Zeoba.b Rid 1 Korint 7:39 ane 2 Korint 6:14. Den tokbaut dem kwestin ya:
Aukam mipla mas mata maret nada Kristian?
Wiskain yu tingk Zeoba go pil ip yumi suz po maret sambodi uda no labe Em?
Ip 2 animal i taiemap tugeda ane mina dipren prom wananada, demtu go gede ert. Seimkainwei, wan Kristian uda go maret sambodi uda no labe Zeoba, go gad plenti problem
6. Tingbaut maretlaip seimkain wase Zeoba
Bipotaim wea Izrael, sam man bin dibos oman blo dempla po ol kasa rizan ane ol mata tingbaut demplaselp. Rid Malakai 2:13, 14, 16, ane tokbaut dis kwestin ya:
Aukam Zeoba eit wen pipol dibos po eni rizan wea Baibol no laue em?
Wen sambodi slipraun ausaid maretlaip, o gede dibos, i go mina ert da wan uda no meke rong ane pikinini tu
Plei da BIDYO, den tokbaut dis kwestin ya.
Ip yu maret po sambodi uda no labe Zeoba, wanem yu go mekem sole yu gad api maretlaip?
7. Pole wanem Zeoba spikbaut maretlaip
Pipol mait nid po trai mina ad po meke wanem Zeoba spikbaut maret.c Bat Zeoba blese demwan uda trai po mekem. Plei da BIDYO.
Rid Ibrupipol 13:4, ane tokbaut dem kwestin ya:
Wiswei, yu tingk yu ken pole lo blo Zeoba wen i kam po maret? Aukam?
Plenti kantri gad lo, wea gabman spik pipol mas register ane saine peipa po maret o dibos, ane Zeoba wande ol Kristian po register maret o dibos blo dempla. Rid Taitas 3:1, ane tokbaut dis kwestin ya:
Ip yu maret, yu bin meikso i stret wea lo blo gabman a?
SAMWAN MAIT ASKE YU: “Aukam pipol nid po maret? Demtu ken mata stap tugeda.”
Wiskain yu go ansa?
WANEM YU BI LAN
Pipol uda maret o singgel ken gad apilaip, bikoz i gudsamting prom Zeoba. Wen ol pole wei blo em klostuwan, ol ken enzoi laip mo.
Wiskain Yu Go Spik
Wiskain sambodi uda no maret, ken yuze laip blo dempla po meke gudsamting?
Aukam Baibol spik i impotant po mata maret wan nada Kristian?
Wanem Baibol spik i da wan rizan po dibos?
PAINDAUT MO
Wanem i min “po maret Kristian”?
Luk 2 sot bidyo po elpe yu suze gudwei, wen i kam po uda yu go laik po o tingbaut po maret.
Lisen wan bala tokbaut wiskain da laip Zeoba gibe em nau, i mo impotant den demting em libem biain.
Wanem sam ting sambodi mas tingbaut pas bipo ol dibos o libe wananada?
“Honor ‘What God Has Yoked Together’” (The Watchtower, December 2018)
a Luk Mo Inpomeisin 4 po wen maretman ane oman libe wananada, iben ip wan prom demtu no bin slipraun.
b Lo sam kaltia, i da mama ane papa po suzem, uda da gel o boi blo demtu go maret. Wen i apen diskain, demtu soe lab wen ol no mata tingbaut mani o bigneim blo da pamle em pikinini go maret, bat i impotant dat dempla labe Zeoba.
c Ip yu no maret ane stap tugeda wea sambodi, i aptu yu po suz ip yu go libe em o maret em.