KHEN 8

Jesu Thijeh a Nangdia Ipi Phachom Ham?

I hintheina diuvin Jesu athitai. John 3:16

Jesu hankhuh agohkeo chu numeihon agahvet

Jesu athi anithum jouvin, numei phabepin lhankhuh agavet ule ahom keuva aum agamuve. Jehovah in Jesu thinakon akaithoutai.

Jesu solchahte henga hunglang intin, chule vanah akaltoutai

Chujouvin Jesu aseijuite masangah akilah-e.

Heng-e, Jehovah in Jesu chu thaneipen thitih neilou lhagao mi khatin akaithoutai. Jesu aseijuiten ama van’a akaltou amuve.

Pathenin Jesu akaithouvin, Pathen Lenggam’a lengin apangsah tai. Daniel 7:13, 14

Lenggama a leng touna akonin, lei paradise-ya cheng mihemho chunga Jesun vai apo

Mihem te lhatdohna dinga Jesun ahinkho atodoh ahibouve. (Matthew 20:28) Lhadohna jeh a chu Pathenin eihodia tonsot hinna aumsah ahibouve.

Jehovah in Jesu hiche leiset chunga leng dia atun ahi. Amatoh leiset a kon vangam’a dia lhatdamsa mihem 144,000 pang ding ahi. Jesu le 144,000 ho chun adihtah vangam kivaipohna kiti Pathen Lenggam chu asem-e.—Thupohn 14:1-3.

Pathen Lenggam chun leiset hi Paradise a asem ding ahi. Galkisat, kitha kimat, gim genthei, chule gelkel dangchah umtaponte. Mipite atahbeh in kipah tauvinte.—Labu 145:16.