Pathen Lenggam Itobang Ham?

1. Pathen Lenggam Itobang?

Pathen Lenggam chu van sorkar ahi. Hiche sorkar chun adang sorkar jouse akhel a, Pathen lungdei van le leija akimsoh ding ahi. Hiche chu Pathen Lenggam thupha ahi. Sotlova Pathen Lenggam chun leija sorkar pha amihemte deichen ninglhing sella ahin bol ding. Mihemte jouse kiloikhom jing diu ahitai.​—Daniel 2:44, 45 Matthew 6:9, 10; 24:14 simin.

Lenggam khat a lengpa khat um ding. Jehovah’in Achapa Jesu chu Pathen Lenggam a Leng’a ahin pansah tai.​—Thuphon 11:15 simin.

2. Ipi jeh a Jesu Leng phapen hi ham?

Jesun hepina a neiyin thudihtah a na ahin toh jeh ahi. (John 1:14) Chule Jesun vana kona leichun hi vai apoh ding mihemte aki thopi theina tha anei ahi. Jesu athodoh jou vana akal jouvin vaihom thaneina angah in Jehovah jetlama atouve. (Hebrew 10:12, 13) Khuonung in Pathenin Jesu chu vaihom thuneina ahin petan ahi.​—Daniel 7:13, 14 simin.

3. Jesun koiho toh vai apohkhom diu ham?

“Mithengte” tia kimin kou mihon toh vanna vai apoh diu ahi. (Daniel 7:27) Mithengte lah a lhendoh amasapen chu Jesu tahsan thei solchahho ahive. Tahsan thei numei, pasal ho chu mithengte tia Jehovah’in alhendoh uve. Tu chan geija alhen nalai ahi. Amaho chu Jesu banga lhagaova thokitna aneidiu ahi.​—John 14:1-3; 1 Corinth 15:42-44 simin.

Vanna mi ijat che diu ham? Jesun amaho chu “hon lhom ho” tin ahinkouvin ahi. (Luke 12:32) Amaho chu 144,000 ahin gei khangtou diu ahiuve. Chu joule Jesu toh thakhatna leiset hi vai apoh khom diu.​—Thuphon 14:1 simin.

4. Jesu vaihomna akipat leh itobang thilsoh umding ham?

Kum 1914 mapana Pathen Lenggam min vaipohna anei ahi tai.a Leng Jesun ahibol masapen chu Satan le aloiho lhagao phalouho leisetchunga ahin seplhan ahi. Satan chu lunghantah in ahung kumlhan leiset pumpia boina kiti jouse ahinbol pan tan ahi. (Thuphon 12:7-10) Hiche a pana gentheihesohna nasahtah a hung pung. Gal, kiel lhahna, natna, lingkihot tiho hin Pathen Lenggamin leichung thilsohho asuhmang ding kon ahitai ti ‘melchihna’ ahi.​—Luke 21:7, 10, 11, 31 simin.

5. Pathen Lenggam chun Itobang ahin bolding?

Pathen Lenggam chun vannoi pumpia thupha ahin seiphong jeh a mijat namkim a mipi asuhkhom’in. Mi niel tamtah lah a mi lungnengte chun Jesun Lenga vai apoh hi akhutsan tauve. Tua um Leiset thilsoh phalou hi Pathen Lenggam chun ahin suhmang phat le amaho ahonbit diu ahi. Hiche Lenggam ma phatthei chan nuomte chun Jesu thu ngaina dinga kihil ding ngai ahi.​—Thuphon 7:9, 14, 16, 17 simin.

Kum 1,000 sunga mihemte dinga Pathenin atilla ahin gon alungchan chu Pathen Lenggam chun ahin suhbulhit ding ahi. Leiset hi Paradise hung hidoh ding ahi tai. Chu jou leh Jesun a Lenggam chu Jehovah khutna apehdoh ding ahitai. (1 Corinth 15:24, 26) Midangho Pathen Lenggam thupha nasei peh nuom lou ham?​—Labu 37:10, 11, 29 simin.