22 Tuirmai Bezalel uza deʼit kabas kór-azúl atu soru roupa neʼebé la iha liman hodi hatais iha efod nia okos.+ 23 Nia halo kuak iha roupa neʼe nia leten atu hatama ulun, no kuak neʼe halo hanesan kuak iha roupa funu nian. No nia suku haleʼu kuak neʼe nia ninin hotu atu labele lees. 24 Tuirmai sira halo romaun-fuan hodi tau haleʼu roupa neʼe nia ninin iha okos. Sira halo romaun-fuan sira-neʼe hodi uza kabas kór-azúl, kabas kór-violeta husi bibi-malae fulun no kabas kór-mean. 25 Sira mós halo sinu husi osan-mean neʼebé moos no tau sinu sira-neʼe entre romaun-fuan sira haleʼu roupa neʼe nia ninin iha okos. 26 Sira tau sinu no romaun-fuan tuituir malu, katak sinu ida no romaun-fuan ida, no tau haleʼu roupa nia ninin iha okos. Ema uza roupa neʼe bainhira halo serbisu, hodi tuir mandamentu neʼebé Jeová fó sai ona ba Moisés.

7 Depois neʼe, Moisés tau unuk+ ba Arão, kesi sintu hena+ ba nia, tau roupa neʼebé la iha liman+ ba nia, no tau mós efod*+ ba nia, no kesi neʼe ho sintu efod nian+ hodi hametin efod neʼe ba ninia isin.