7 Imi labele han animál neʼebé nata fali ai-han neʼebé nia tolan ona maibé ain-kukun la sakat ba rua, hanesan tuirmai neʼe: kuda-kamelu, koellu, no koellu-hiraks, tanba sira nata fali ai-han maibé ain-kukun la sakat ba rua. Animál sira-neʼe la moos* ba imi.+ 8 No imi mós labele han fahi, tanba fahi sira-nia ain-kukun sakat ba rua maibé sira la nata fali ai-han neʼebé sira tolan ona. Neʼe la moos ba imi. Imi labele han animál sira-neʼe nia naʼan no mós labele kona sira-nia mate-isin.