34 Tuirmai Jeová dehan ba Moisés: “Foti buat morin tuirmai neʼe ho sukat neʼebé hanesan:+ estorak, onika, galbanu no olíbanu* neʼebé moos. 35 Kahur buat sira-neʼe hodi sai insensu;+ kahur buat sira-neʼe ho didiʼak no ho matenek, kahur ho masin,+ no neʼe tenke moos no santu. 36 Ó tenke deʼut balu hodi sai uut loos no tau balu iha Arka Aliansa* nia oin neʼebé iha tenda reuniaun nia laran, iha fatin neʼebé haʼu sei mosu ba ó. Neʼe tenke sai santu liu ba imi.

8 Kuandu nia foti surat-tahan neʼe, kriatura moris naʼin-haat no katuas naʼin-24+ hakneʼak iha Bibi-Oan nia oin, no sira ida-idak kaer hela arpa no manko osan-mean neʼebé nakonu ho insensu. Insensu reprezenta ema santu* sira-nia orasaun.+

3 Anju seluk toʼo mai no hamriik besik altár,+ no nia kaer insensu-fatin* neʼebé halo husi osan-mean, no Maromak fó nia insensu barak+ atu sunu iha altár osan-mean nia leten+ neʼebé iha kadunan nia oin hodi hasaʼe hamutuk ho ema santu* hotu nia orasaun. 4 Insensu neʼe nia suar husi anju neʼe nia liman hamutuk ho ema santu sira-nia orasaun+ saʼe ba Maromak nia oin. 5 Maibé, anju neʼe foti kedas insensu-fatin, no nia halo nakonu fatin neʼe ho ahi husi altár no soe ahi neʼe ba rai. Tuirmai mosu rai-tarutu, lian oioin, rai-lakan nabilan+ no rai-nakdoko.